بار بار دلائل سے وقت ضائع ہوگا، اب ضمانت کی درخواستوں پر فیصلہ ہونا چاہئے، جج اے ٹی سی کابیرسٹر سلمان صفدر سے مکالمہ
سانحہ 9 مئی کی سماعت
لاہور (ڈیلی پاکستان آن لائن) سانحہ 9 مئی اور مسلم لیگ ن کے دفتر کو جلانے کے حوالے سے 4 مقدمات کی سماعت انسداد دہشتگردی عدالت میں ہوئی۔ اس دوران عدالت نے بیرسٹر سلمان صفدر سے مکالمہ کرتے ہوئے کہا کہ آپ پہلے ہی اپنے دلائل دے چکے ہیں، بار بار دلائل سے وقت ضائع ہوگا، اب ضمانت کی درخواستوں پر فیصلہ ہونا چاہئے۔
پراسیکیوشن کی طرف سے دلائل
نجی ٹی وی چینل جیو نیوز کے مطابق، سماعت کے دوران پراسیکیوٹر جنرل پنجاب نے کہا کہ بانی پی ٹی آئی نے یہ بیانیہ اپنایا ہے کہ اگر گرفتاریاں ہوں تو یہ سب کچھ کرنا ہے۔ انہوں نے عدالت سے استدعا کی کہ بانی پی ٹی آئی کی ضمانت کی درخواستیں خارج کی جائیں۔ عدالت نے جواب دیا کہ آج پراسیکیوٹر جنرل فرہاد علی شاہ نے اپنے دلائل مکمل کرلیے ہیں۔
