چودھری شجاعت نے ملکی معاملات میں امریکی مداخلت کا امکان مسترد کر دیا

چودھری شجاعت حسین کا بیان

لاہور (ڈیلی پاکستان آن لائن) مسلم لیگ ق کے صدر چودھری شجاعت حسین نے کہا ہے کہ امریکا کی نئی قیادت کی پاکستان کے امور میں مداخلت کے بارے افواہیں بے بنیاد ہیں۔

یہ بھی پڑھیں: وزیراعلیٰ کے دورۂ جاپان کیخلاف شرمناک مہم ملک دشمنی کی بدترین مثال ہے:عظمیٰ بخاری

چینی سرمایہ کاروں کا وفد

چودھری شجاعت حسین سے چین کے سرمایہ کاروں کے وفد نے سکارلٹ ژیانگ کی سربراہی میں ان کی رہائش گاہ پر ملاقات کی۔ ملاقات میں وزیر چودھری شافع حسین سمیت دیگر عہدیداران بھی موجود تھے۔

یہ بھی پڑھیں: سیاحتی مقامات پر عدم تحفظ ٹورازم کے لیے مشکلات پیدا کر رہا ہے: لیاقت بلوچ

ملاقات کی تفصیلات

وفد کی سربراہ میڈم سکارلٹ ژیانگ نے پاکستان اور پنجاب میں اپنے مجوزہ پروگراموں کے بارے میں آگاہ کیا۔ ملاقات میں امریکا میں ہونے والے انتخابات، نتائج، چین کی پالیسی اور دیگر امور پر بھی بات چیت ہوئی۔

یہ بھی پڑھیں: وزیراعظم شہباز شریف سرکاری دورے پر سعودی عرب پہنچ گئے، ڈپٹی گورنر پرنس سعود بن مشعل بن عبدالعزیز نے استقبال کیا

پاکستان اور چین کے تعلقات

مسلم لیگ ق کے صدر چودھری شجاعت حسین کا کہنا تھا کہ امریکا کی اپنی پالیسیاں ہیں، وہ ہمارے معاملات میں مداخلت نہیں کرے گا۔ چین بھی اس حوالے سے واضح موقف رکھتا ہے، چین اور پاکستان کے مابین گہرے دوستانہ مراسم اور تجارتی تعلقات قائم ہیں۔

یہ بھی پڑھیں: بھارت خطے میں دہشت گردی کا سب سے بڑا سر پرست ہے، فیلڈ مارشل عاصم منیر

اقتصادی تعاون کا فروغ

انہوں نے کہا کہ پاکستان اور چین کے درمیان اقتصادی تعاون بڑھایا جائے گا۔ چین کی جانب سے پاکستان اور پنجاب میں نئے پروگرام شروع کرنے پر مشکور ہیں۔ انہوں نے 3 لاکھ افراد کو تربیت کی فراہمی اور گجرات میں میڈیکل سٹی کے مجوزہ منصوبے پر بھی چین کا شکریہ ادا کیا۔

یہ بھی پڑھیں: اپوزیشن لیڈر عمر ایوب نے ہارڈ سٹیٹ کے حوالے سے اپنی رائے کا اظہار کر دیا

زرعی سیکٹر کی ترقی

ان کا مزید کہنا تھا کہ ہمیں ایگریکلچر سیکٹر کے فروغ کے لیے چین کی ٹیکنالوجی سے فائدہ اٹھانا چاہئے۔ دونوں جانب کے پرائیویٹ سیکٹر میں بھی اشتراک بڑھانے کی ضرورت ہے۔

یہ بھی پڑھیں: ایران کی مزاحمت نے خود کو سپر پاور قرار دینے والے امریکا کو سخت چیلنج دیا اور ایسی صورتحال پیدا کر دی ہے ، جسے امریکا اور اسرائیل کبھی نہیں بھولیں گے،مشاہد حسین سید

پنجاب حکومت کا تعاون

وزیر صنعت و تجارت چودھری شافع حسین نے کہا کہ چین کے سرمایہ کاروں کے پروگراموں کو آگے بڑھانے میں پنجاب حکومت مکمل تعاون کرے گی۔ چودھری شجاعت حسین نے پاکستان اور جنوبی کوریا کے مابین تجارتی تعاون بڑھانے کیلئے تاریخی کردار ادا کیا۔

تحائف کا تبادلہ

آخر میں پاکستان مسلم لیگ کے صدر چودھری شجاعت حسین نے چین کے وفد کی سربراہ کو اپنی تحریر کردہ کتاب پیش کی۔ چین کے سرمایہ کاروں کے وفد کی سربراہ نے چودھری شجاعت حسین کو گجرات کے مجوزہ میڈیکل سٹی کا سوونیر پیش کیا۔ وفد میں ڈپٹی چیف ہواوے گروپ پاکستان مسٹر رے اور دیگر شامل تھے۔