خیبرپختونخوا: نوجوانوں کیلئے قرضوں کے آن لائن پورٹل اور انٹرن شپ کا اجرا

پشاور میں نئے قرضوں کا آغاز

پشاور (ڈیلی پاکستان آن لائن) وزیراعلیٰ خیبرپختونخوا علی امین گنڈا پور نے نوجوانوں کو بااختیار اور باروزگار بنانے کے لیے احساس نوجوان سکیم کے تحت قرضوں کے آن لائن پورٹل کا اجراءکیا۔

یہ بھی پڑھیں: بھارت میں کرتا پاجامہ پہننے پر مسلمان بھائیوں پر حملہ، لہولہان کردیا

معلوماتی سکیم

اس سکیم کے تحت، نوجوان آسان شرائط پر قرضوں کے لیے آن لائن درخواستیں دے سکتے ہیں۔ "نوجوان پروگرام" ایک تین سالہ منصوبہ ہے جس کی لاگت تین ارب روپے ہوگی۔ بینک آف خیبر کے اشتراک سے ایک ارب روپے کی لاگت سے بلا سود قرضے فراہم کیے جائیں گے۔

یہ بھی پڑھیں: کالج طالبہ نے ڈیپارٹمنٹ ہیڈ کی جانب سے ہراساں کیے جانے پر خود کو آگ لگا لی

قرض کی تفصیلات

منصوبے کے مطابق، 18 سے 35 سال تک کی عمر کے تین سے پانچ نوجوانوں پر مشتمل کلسٹرز کو 10 سے 50 لاکھ روپے تک کے قرضے فراہم کیے جائیں گے۔ قرضے کی واپسی کے لیے آٹھ سالوں پر مشتمل آسان شیڈول رکھا گیا ہے۔

یہ بھی پڑھیں: معاون خصوصی وزیر اعلیٰ پنجاب راشد اقبال نصر اللہ کا لاہور کے مختلف زونز کا ہنگامی دورہ

چیف منسٹر یوتھ انٹرن شپ پروگرام

وزیراعلیٰ علی امین گنڈا پور نے نوجوانوں کے لیے چیف منسٹر یوتھ انٹرن شپ پروگرام کا بھی اجراءکیا۔ تقریب سے خطاب کرتے ہوئے وزیراعلیٰ کا کہنا تھا کہ بانی پی ٹی آئی کا وژن ہے کہ قوم کو اپنے پاو¿ں پر کھڑا کیا جائے۔ جو لوگ اپنا گھر نہیں بنا سکتے، ان کی مدد کی جائے گی۔ مخدوش مالی صورتحال کے باوجود عوامی فلاح کے منصوبے شروع کیے جا رہے ہیں۔

مقصد اور وژن

ان کا مزید کہنا تھا کہ ہمارا مقصد نوجوانوں کو درجہ چہارم کی نوکری نہیں بلکہ اپنے کاروبار دینا ہے۔ آئیڈیاز لوگ لائیں گے، مواقع حکومت فراہم کرے گی، اور اس طرح ہم آگے بڑھیں گے۔