عظمٰی بخاری سے سینیئر فنکاروں کی ملاقات، تھیٹر ڈراموں کو مہذب اور ثقافتی بنانے کیلیے 7 رکنی ایڈوائزری کمیٹی قائم

پنجاب میں تھیٹر ڈراموں کی بہتری کے لیے اقدامات

لاہور (ڈیلی پاکستان آن لائن) وزیر اطلاعات پنجاب عظمٰی بخاری نے بتایا کہ تھیٹر ڈراموں کو مہذب، فیملی اور ثقافتی بنانے کے لیے ایک 7 رکنی ایڈوائزری کمیٹی تشکیل دی گئی ہے۔ اس کمیٹی کی سربراہی سیکرٹری اطلاعات طاہر رضا ہمدانی کریں گے۔

یہ بھی پڑھیں: یہ بالکل غلط ہے جو احتجاج میں شریک نہیں ان کو کیسے اٹھا سکتے ہیں،اسلام آباد ہائیکورٹ پولیس پر برہم

ایڈوائزری کمیٹی کے ارکان

اس ایڈوائزری کمیٹی میں سینئر اداکار سہیل احمد، نسیم وکی، ناصر چنیوٹی، سلیم البیلا، قیصر پیا، افتخار ٹھاکر، اور ماجد خان شامل ہیں۔ یہ کمیٹی 15 دن میں اپنی سفارشات جمع کروائے گی۔

یہ بھی پڑھیں: سونے کی فی تولہ قیمت 2100 روپے کا اضافہ

وزیر اطلاعات کا بیان

اس حوالے سے وزیر اطلاعات عظمٰی بخاری اور سیکرٹری اطلاعات طاہر رضا ہمدانی نے تھیٹر کے سینیئر فنکاروں سے ملاقات کی۔ عظمٰی بخاری نے کہا کہ ایڈوائزری کمیٹی کا بنیادی مقصد تھیٹر ڈرامے کو دوبارہ مہذب، شائستہ اور فیملی ڈرامے بنانا ہے۔

یہ بھی پڑھیں: ہونڈا 125 کی فیول ایوریج کو بہتر بنانے کے مفید مشورے

سبسڈی کا امکان

انہوں نے یہ بھی کہا کہ اگر سٹیج ڈراموں کے ریوائیول کے لیے سبسڈی دینا پڑی تو اس کے لیے بھی میکنزم بنایا جائے گا۔ تھیٹر ایڈوائزری کمیٹی کا مقصد سٹیج ڈراموں سے بیہودگی کا خاتمہ اور اصل ثقافتی تھیٹر بنانا ہے۔

تھیٹر فیسٹیول کی تفصیلات

عظمٰی بخاری نے مزید بتایا کہ وزارت اطلاعات و ثقافت پنجاب کے زیراہتمام 20 اور 21 نومبر کو ایک تھیٹر فیسٹیول منعقد کیا جا رہا ہے جس میں سٹیج کے اداکار اپنے فن کا مظاہرہ کریں گے۔ یہ تھیٹر فیسٹیول مکمل فیملی فیسٹیول ہوگا، جس میں پنجاب کی ثقافت، تہذیب اور روایتی طنز و مزاح شامل ہوں گے۔ اس موقع پر چیئرمین الحمراء رضی احمد بھی موجود تھے۔