افراد کی خوشنودی کو ٹھکرائے بغیر زندگی بسر نہیں کی جا سکتی، آپ کو اپنا ”وجود“ برقرار رکھنے کیلئے یہ قیمت ادا کرنا پڑتی ہے جس سے فرار ممکن نہیں

مصنف اور مترجم

مصنف: ڈاکٹر وائن ڈبلیو ڈائر
ترجمہ: ریاض محمود انجم
قسط: 42

یہ بھی پڑھیں: سبھی داؤ کے چکر میں رہتے ہیں جس کا جہاں جتنا بھی لگ جائے،گنتی ہی کے سر پھرے ہیں، ضمیر فروشوں کی منڈی ہے بس کوئی صحیح دام لگانے والا ہو

زندگی کے معاملات اور خوشنودی

اس حقیقت میں بھی کوئی شبہ نہیں کہ اپنی زندگی کے معاملات کی انجام دہی کے دوران دوسرے افراد کی خوشنودی اور رضامندی کو قطعی طور پر ٹھکرائے بغیر زندگی بسر نہیں کی جا سکتی۔ یہ زندگی گزارنے کا ایک طریقہ ہے اور آپ کو اپنا "وجود" برقرار رکھنے کے لیے یہ قیمت ادا کرنا پڑتی ہے جس سے فرار ممکن نہیں۔

یہ بھی پڑھیں: ایبٹ آباد: جنسی زیادتی کا شکار 14 سال کی گھریلو ملازمہ دم توڑ گئی

ایک خاص تجربہ

مجھے ایک دفعہ ایک ایسے شخص کے ساتھ کام کرنے کا موقع میسر ہوا جو دوسروں کی خوشنودی اور رضامندی حاصل کرنے کی ضرورت پر مبنی رویے کا ایک شاندار مرقع تھا۔ اسقاط حمل، خاندانی منصوبہ بندی، مشرقی وسطیٰ میں جنگ، واٹرگیٹ سیکنڈل، سیاست اور دیگر بہت سے معاملات کے ضمن میں اس کے خاص نظریات تھے۔

یہ بھی پڑھیں: لاہور ڈویژن کے سیلاب متاثرہ علاقوں میں کالجز میں چھٹیاں دے دی گئی

اجتماعی رفتار کی عکاسی

جب بھی کوئی شخص اس کے خیالات اور نظریات سے اختلاف کرتا، وہ پریشان اور منتشر ہو جاتا۔ وہ اپنی طرف سے کثیر توانائی اور وقت صرف کر کے ہر ایک کو اپنا ہمنوا بنانے کی کوشش کرتا۔

یہ بھی پڑھیں: 27 ویں آئینی ترمیم، تحریک انصاف کے پارلیمانی لیڈر سینیٹر علی ظفر نے اہم اعلان کردیا

مؤقف کی تبدیلی

اس نے اپنے سسر کے متعلق ایک واقعہ بتایا جس میں اس نے کہا کہ کسی کو شدید اور جان لیوا تکلیف سے نجات دلانے کے لیے اسے موت کا شکار بنانے پر مبنی نظریہ اس کے نزدیک قطعی درست ہے۔ اس نظریے کی تردید کرنے کے بعد، اس نے فوراً ہی اضطراری طور پر اپنا یہ مؤقف تبدیل کر لیا۔

یہ بھی پڑھیں: پنجاب میں خدمت کو سیاست نہیں، ذمہ داری سمجھا جا رہا ہے : وزیر اعلیٰ مریم نواز

افسر کے سامنے مؤقف

جب اس نے اپنے افسر کے سامنے یہ نظریہ بیان کیا تو اس کا یہ نظریہ مسترد کر دیا گیا، جس پر وہ سخت نادم ہوا۔ بالآخر اس کا افسر اس کے اس نظرئیے کا قائل ہو گیا اور اس نے کسی قدر اطمینان کا سانس لیا۔

یہ بھی پڑھیں: فلپائنی شہری کی امارات میں اتنی بڑی لاٹری نکل آئی کہ زندگی ہی تبدیل ہوگئی

خوشنودی کی تلاش

پھر اس شخص نے اپنے بھائی کے سامنے اپنے اس نظریے کا اظہار کیا تو فوراً ہی اس نے اپنی رضامندی کا اظہار کر دیا۔ یہ مرحلہ اس شخص کے لیے بہت آسان ثابت ہوا، اسے اپنے بھائی کی طرف سے خوشنودی و رضامندی حاصل کرنے کے لیے اپنے مؤقف کو تبدیل نہیں کرنا پڑا۔

یہ بھی پڑھیں: کون سے شعبے کی ترقی رہی؟ اقتصادی جائزہ کو حتمی شکل دے دی گئی

اجتماعی متبادل رویے

ان مثالوں میں اس شخص نے دوسروں کے ساتھ تبادلہ خیال کے ضمن میں اپنے عمومی ردعمل کا اظہار کیا۔ جب یہ شخص اپنے حلقہ احباب میں جاتا ہے تو کسی بھی موضوع کے بارے میں اس کا کوئی قطعی اور مستند نظریہ اور رائے نہیں ہوتی۔

نتیجہ

یہ صورتحال صرف اس شخص پر ہی منطبق نہیں ہوتی بلکہ ہر اس شخص کے لیے درست اور صحیح ہے جو دوسروں کی رائے اور مرضی کے مطابق چلنے کو ہی اپنے لیے خوشی گردانتے ہیں۔

(جاری ہے)

نوٹ: یہ کتاب "بک ہوم" نے شائع کی ہے (جملہ حقوق محفوظ ہیں) ادارے کا مصنف کی آراء سے متفق ہونا ضروری نہیں۔