پاکستان میں سانس لینے کی جنگ: بیجنگ اور لندن نے بدترین سموگ کے بحران کا حل کیسے تلاش کیا؟

دی گریٹ سموگ آف لندن کیا تھی؟

برطانیہ کے دارالحکومت لندن میں 19ویں اور 20ویں صدی میں کئی بار سموگ کے واقعات پیش آئے۔ یہ عام طور پر اس وقت ہوتا تھا جب لوگ کوئلہ جلا کر اپنے گھروں کو گرم کرنے کی کوشش کرتے اور شہر کی بھاری صنعتوں سے مختلف کیمیکلز فضاء میں چھوڑے جاتے تھے۔

سنہ 1952 میں دی گریٹ سموگ آف لندن ایک انتہائی معروف واقعہ تھا جب چار دن تک دور دور تک کچھ نظر نہیں آتا تھا۔ کچھ اندازوں کے مطابق اس دوران 10 ہزار افراد ہلاک ہوئے۔ کہا جاتا ہے کہ سموگ نے زندگی کو اس قدر متاثر کیا کہ یہ گھروں اور تہہ خانوں میں بھی داخل ہوگئی تھی اور سنیما کی سکرینیں بھی نظر نہیں آ رہی تھیں۔

5 دسمبر 1952 کو جب تیوہاری موسم کا آغاز ہوچکا تھا، لندن کے لوگ شہر میں سیر و تفریح کر رہے تھے، اسی دوران صنعتوں کی چمنیوں سے دھواں اٹھتا رہا۔

جیسے جیسے رات گزرنے لگی، دھند گہری ہوتی گئی اور جلد ہی سموگ نے دارالحکومت کو اندھیرے میں ڈبو دیا، جس سے زندگی کا نظام متاثر ہوگیا۔

لندن کے لوگ سڑکوں پر ٹھوکریں کھاتے ہوئے آگے بڑھ رہے تھے مگر انھیں چند گز کے علاوہ کچھ نظر نہیں آرہا تھا۔

اگلی صبح سورج کی کرنیں ابھریں تو بھی سموگ برقرار رہی۔ بلکہ سورج کی روشنی میں یہ مزید گہری ہوگئی یہاں تک کہ بعض علاقوں میں لوگ باہر قدم نہیں رکھ سکتے تھے۔

اگلے چار دنوں کے دوران شہر مکمل طور پر تاریکی میں ڈوبا رہا۔

زہریلی ہوا میں سانس لیتے لندن کے باشندے ایک نئی مصیبت میں پھنس گئے۔ شہر میں نمونیا اور برونکائٹس جیسے امراض پھیل گئے۔ شہر کے ہسپتال مریضوں سے بھرنے لگے کیونکہ ہزاروں افراد زہریلی ہوا سے ہلاک ہوگئے۔

یہ بھی پڑھیں: بجلی صارفین سے کپیسٹی پیمنٹ کی مد میں 9 کھرب 79ارب سے زائد کی وصولی

برطانیہ اس سے کیسے نمٹا؟

لیکن کیا آپ جانتے ہیں کہ شہر کی خوبصورتی اور رونقیں اس وقت بحال ہوئیں جب حکمرانوں نے عوامی مطالبات پر ایسے اقدامات کیے کہ سموگ، دھوئیں اور فضائی آلودگی کے زہریلے بادل چھٹ گئے، اور دنیا بھر کے لوگ اب اس شہر کا رخ کرتے ہیں اور وہاں کی تصاویر سوشل میڈیا پر شائع کرتے ہیں۔

لندن میں اس واقعے کے بعد سے حکومت کی جانب سے متعدد اقدامات کیے گئے، لیکن سنہ 1956 میں برطانیہ کی پارلیمان کی جانب سے ’کلین ایئر ایکٹ‘ پاس کیا گیا جس میں صنعتی اور گھروں سے نکلنے والے دھوئیں کو کنٹرول کرنے کے لیے شہروں اور قصبوں میں ’سموک کنٹرل ایریاز‘ بنائے گئے۔ یہاں ایسے ایندھن جلائے جاتے ہیں جن کا دھواں کم ہوتا ہے، اور گھروں کے مالکان کو سبسڈی دی گئی تاکہ وہ پائیدار ایندھن پر منتقل ہوسکیں۔

کچھ صارفین اس موقع پر مریم نواز کے سوئٹزرلینڈ کے دورے پر تنقید کرتے نظر آ رہے ہیں۔ جبکہ اکثر لوگ یہ بھی بتا رہے ہیں کہ کیسے ان کے اردگرد ہر دوسرا شخص بیمار ہو رہا ہے۔

ایک پاکستانی صارف نے لکھا کہ ’ہمیں بیرونِ ملک سے ماہرین کو بلا کر اس بارے میں تحقیق کرنی چاہیے کہ ہم اس مسئلے کا حل کیسے نکالیں، اس سے پہلے کہ بہت دیر ہو جائے۔