ایبٹ آباد یونیورسٹی، میوزیکل نائٹ کیخلاف احتجاج کرنیوالے 7 طلبا کا داخلہ منسوخ

ایبٹ آباد یونیورسٹی میں طلباء کی داخلہ منسوخی

ایبٹ آباد (ویب ڈیسک) ایبٹ آباد یونیورسٹی آف سائنس اینڈ ٹیکنالوجی کے وائس چانسلر نے کلچر میوزیکل نائٹ کے خلاف احتجاج کرنے والے 7 طلباء کا داخلہ منسوخ کردیا۔

یہ بھی پڑھیں: یہ تصویر علی امین کی نہیں، بلکہ میری ہے: صوبائی وزیر پختون یار خان

میوزیکل نائٹ کا تنازع

آج نیوز کے مطابق ایبٹ آباد یونیورسٹی آف سائنس اینڈ ٹیکنالوجی میں گزشتہ ہفتے یونیورسٹی انتظامیہ کی جانب سے کلچرل میوزک نائٹ کا پروگرام رکھا گیا تھا جس پر اسلامی جمعیت طلبہ کے طالب علموں نے شدید احتجاج کیا۔ اس پر یونیورسٹی انتظامیہ نے طلبہ سے مذاکرات کرکے میوزیکل نائٹ کا پروگرام ملتوی کردیا۔

یہ بھی پڑھیں: دوسروں کے رویئے کو ترجیح دینا تباہ کن ہے، آپ کی قدر دوسروں کے ہاتھوں میں کھلونا بن جاتی ہے اور دوسرے لوگ آپ کا مزید استحصال کرتے ہیں

وائس چانسلر کا اقدام

وائس چیئرمین پروفیسر مجدد نے طلبہ کے خلاف انتقامی کارروائی کرتے ہوئے 7 طلبہ کا یونیورسٹی سے داخلہ منسوخ کردیا۔ اس پر ضلع بھر کی طلبہ تنظیموں اور جماعت اسلامی کے امیر عبدالرزاق عباسی نے شدید ردعمل کا اظہار کیا۔ انہوں نے کہا کہ اگر وائس چانسلر نے ہوش کے ناخن نہ لئے اور طلبہ کا داخلہ بحال نہ کیا تو ایبٹ آباد ضلع بھر میں شدید احتجاج کیا جائے گا، اور اس کی لا اینڈ آڈر کی صورتحال کی ذمہ داری وائس چانسلر پر ہوگی۔

مطالبات اور امتحانات کی تیاری

یونیورسٹی میں طلبہ کے امتحانات بھی اگلے ہفتے سے شروع ہورہے ہیں۔ اگر ان طالب علموں کا داخلہ بحال نہ ہوا تو ان کا مستقبل داو پر لگ سکتا ہے۔