کسان نے اپنی خوش قسمت گاڑی دفنا دی

کسان کی خوش قسمت گاڑی کی تدفین

احمدآباد (آئی این پی) بھارتی ریاست گجرات کے ضلع امریلی میں ایک کسان نے اپنی خوش قسمت گاڑی کی تدفین بہت ہی عظیم الشان طریقے سے کردی۔

یہ بھی پڑھیں: وزیر اعلیٰ مریم نواز کا سخت ایکشن، نشتر ہسپتال کے ایم ایس سمیت 6 ڈاکٹروں اور ہیڈ نرس معطل، ایڈز سے متاثرہ مریضوں کو ہرجانہ ادا کرنے کا حکم

تقریب کی تفصیلات

بھارتی میڈیا کے مطابق، گائوں میں سنجے پولارا نامی کسان اور اس کے خاندان کی جانب سے منعقدہ تقریب میں لوگوں نے شرکت کی جن میں مذہبی شخصیات اور عقیدت مند بھی شامل تھے۔ کسان اور اس کے خاندان نے اس موقع پر اپنے فارم میں مذہبی رسومات ادا کیں۔ ان کی 12 سال پرانی گاڑی Wagon R کو دفنانے کے لیے 15 فٹ گہرا گڑھا کھودا گیا۔ گاڑی کو پھولوں اور ہاروں سے سجا کر دھوم دھام سے گڑھے تک لے جایا گیا اور ہرے کپڑے سے ڈھانپ دیا گیا۔ اس موقع پر کسان کے اہلِ خانہ نے گاڑی پر پھول نچھاور کیے۔

یہ بھی پڑھیں: شہزاد اقبال نے بھارتی فضائیہ اور پاکستان سے متعلق بھارتی میڈیا کے جھوٹ کا پول کھول دیا

مذہبی رسومات اور دفن کی کارروائی

میڈیا کے مطابق، اس سب کے دوران وہاں موجود پنڈت اور دیگر افراد مذہبی کلمات پڑھتے رہے۔ ان تمام کاموں کے بعد مٹی ڈالنے اور گاڑی کو دفن کرنے کے لیے کھدائی کرنے والی مشین کا استعمال کیا گیا۔ کسان نے کہا کہ گاڑی کو دفنانے کی تقریب پر 4 لاکھ روپے خرچ کئے، اور وہ کچھ مختلف کرنا چاہتے تھے تاکہ آنے والی نسلیں اس کار کو یاد رکھیں جو ان کے خاندان کے لیے خوش قسمت ثابت ہوئی۔

یہ بھی پڑھیں: کراچی،کورنگی : گڑھے میں لگنے والی آگ 17 روز بعد بجھ گئی

کسان کی خوش قسمتی کی کہانی

વ્હાલસોઈ નસીબદાર કારની સમાધિ !!!

અમરેલીમાં પરિવારે માટે લકી કારને વેચવાને બદલે ઘામધૂમથી જમણવાર યોજી સમાધિ અપાઈ, કારના સમાધિ સ્થળે વૃક્ષારોપણ કરાશે #Gujarat #Amreli pic.twitter.com/1c4hiogs7n

— Kamit Solanki (@KamitSolanki) November 8, 2024

خاندانی خوش حالی کا اظہار

کسان نے کہا کہ میں نے یہ گاڑی تقریباً 12 سال پہلے خریدی تھی جس سے خاندان میں خوش حالی آئی، کاروبار میں کامیابی دیکھی اور میرے خاندان کی عزت بھی بڑھی۔ انہوں نے کہا کہ تدفین کی جگہ پر ایک درخت لگانے کا ارادہ رکھتے ہیں تاکہ اپنی آنے والی نسلوں کے لیے یاد دہانی کرا سکیں کہ خاندان کی خوش قسمت گاڑی درخت کے نیچے دفن ہے۔