لاہور سمیت پانچ بڑے شہروں کیلئے الیکٹرک بسوں کی خریداری آخری مراحل میں داخل

الیکٹرک بسوں کی خریداری

لاہور سمیت پانچ بڑے شہروں کیلئے الیکٹرک بسوں کی خریداری آخری مراحل میں داخل ہوگئی۔ لاہور میں پاکستان کا پہلا اور سب سے بڑا سٹیٹ آف دی آرٹ گرین بس ڈپو بنے گا۔

یہ بھی پڑھیں: دریائے چناب میں پانی کی آمد 29 ہزار 300کیوسک کم ہوگئی

ویکل ٹیسٹنگ لیبارٹری کا قیام

پنجاب میں سٹیٹ آف دی آرٹ "ویکل ٹیسٹنگ لیبارٹری" کے قیام کیلئے تیاری آخری مراحل میں ہے۔ شہری اپنے فون سے 15 اور ایکسٹیشن نمبر 6 ملا کر ٹریفک اور ٹرانسپورٹ کے بارے میں شکایت سے آگاہ کر سکیں گے۔

یہ بھی پڑھیں: ای سی ایل میں شامل نام 180 دن بعد خودبخود ختم ہو جاتا ہے، ایڈیشنل اٹارنی جنرل

سموگ کے تدارک کیلئے اقدامات

سموگ کے تدارک کیلئے تمام اضلاع میں دھواں چھوڑتی گاڑیوں کے خلاف گرینڈ آپریشن شروع کردیا گیا ہے۔ سیکرٹری ٹرانسپورٹ کا کہنا ہے کہ دھواں چھوڑتی گاڑیوں کے جرمانے میں اضافہ کردیا گیا ہے۔ دھواں چھوڑتی گاڑیوں کو پہلی بار 2 ہزار جبکہ پھر ہر بار 4 ہزار جرمانہ کیا جائے گا۔

مال بردار گاڑیوں کی سخت نگرانی

مال بردار گاڑیوں کے مقررہ حد سے زائد وزن لوڈ کرنے پر سخت کارروائی کی جائے گی۔ موٹرسائیکل کو غیرقانونی طور پر سواری یا لوڈر رکشہ بنانا سنگین جرم ہے۔ سموگ کے تدارک اور سڑکوں کو ٹوٹ پھوٹ سے بچانے کیلئے ہر ضروری قدم اٹھایا جائے گا۔