معروف پروڈیوسر فرقان حیدر انتقال کرگئے
سید فرقان حیدر رضوی کا انتقال
ٹیکساس(ڈیلی پاکستان آن لائن) معروف سٹیج ڈرامہ پروڈیوسر سید فرقان حیدر رضوی امریکا میں انتقال کرگئے۔
یہ بھی پڑھیں: بھارت کی فوج پاکستان کے خلاف اتنی کمزور کیوں ثابت ہوئی؟ امریکی ملٹری جریدے کا اہم تجزیہ۔
اہل خانہ کی تصدیق
نجی ٹی وی چینل جیو نیوز کے مطابق سید فرقان حیدر رضوی کے انتقال کی تصدیق اہل خانہ کی جانب سے کی گئی ہے۔ اہل خانہ کے مطابق سید فرقان حیدر رضوی گردوں کے عارضے میں مبتلا تھے۔
یہ بھی پڑھیں: چیلنج پر درخواست: وفاقی حکومت، اٹارنی جنرل، ایڈووکیٹ جنرل کو 27A کا نوٹس جاری
نماز جنازہ کی اطلاع
سید فرقان حیدر کی نماز جنازہ آج ڈیلاس کے مومن سینٹر میں ادا کی جائے گی۔
سید فرقان کا فن اور خدمات
سید فرقان حیدر نے سٹیج ڈراموں کی دنیا میں معین اختر اور عمر شریف جیسے فنکاروں کو روشناس کرایا۔ ان کے ڈرامے ’بکرا قسطوں پر‘، 'مصیبت در مصیبت'، اور 'بچاؤ معین اختر' نے پاکستانی سٹیج ڈراموں کو عالمی سطح پر پذیرائی دلائی۔
