ملازمت کیلئے کینیڈا جانے کی ضد پر بیٹے نے ماں کو چاقو گھونپ دیا

بھارت میں ماں کا قتل

نئی دہلی (ڈیلی پاکستان آن لائن) بھارت میں کینیڈا جانے کی اجازت نہ ملنے پر بیٹے نے ماں کو چاقو کے وار سے قتل کردیا۔

یہ بھی پڑھیں: لاہور میں نیو ایئر نائٹ پر آتشبازی کے سامان کی ترسیل ناکام، بڑی کھیپ برآمد

واقعے کی تفصیلات

بھارتی میڈیا کے مطابق یہ واقعہ مولربند گاوں میں پیش آیا، جہاں کا 31 سالہ رہائشی کرشن کانت ملازمت کیلئے کینیڈا جانا چاہتا تھا۔

یہ بھی پڑھیں: بشریٰ بی بی سے گزشتہ روز ہونے والی وکلا کی ملاقات کی اندرونی کہانی سامنے آگئی

مقتولہ کا پس منظر

میڈیا رپورٹس میں بتایا گیا ہے کہ 50 سالہ مقتولہ خاتون گیتا کے دو بیٹے ہیں۔ گیتا کا چھوٹا بیٹا بینک میں ملازمت کرتا ہے جبکہ کرشن کانت بے روزگار اور نشے کا عادی تھا۔

یہ بھی پڑھیں: نشے میں دھت مسافر نے ایئر ہوسٹس کے ساتھ ایسی شرمناک حرکت کردی کہ گرفتار کرلیا گیا

خاندانی تنازعہ

مقامی پولیس کے مطابق کرشن کانت ملازمت کیلئے کینیڈا جانا چاہتا تھا لیکن والدین کی جانب سے اجازت نہیں دی جاتی تھی۔ والدین نے بیرون ملک جانے سے پہلے شادی کرنے پر زور دیا۔

یہ بھی پڑھیں: شاداب بالکل درست کہہ رہا ہے، ہم ورلڈکپ میں بھارت کو نہیں ہرا سکے، انہوں نے ہرایا، انہیں عزت ملی، لیکن وہ اس عزت کو سنبھال نہ سکے، شاہد آفریدی کا جواب

قتل کی شب

پولیس نے بتایا کہ گزشتہ روز بھی ماں بیٹے کے درمیان اسی موضوع پر بحث ہوئی جس پر کرشن کانت طیش میں آگیا اور اس نے اپنی ماں کو چاقو کے وار کرکے قتل کردیا۔

یہ بھی پڑھیں: اسٹیٹ بینک نے مالیاتی پالیسی کا اعلان کردیا

واقعے کے بعد کی صورتحال

واقعے کے بعد خوفزدہ کرشن نے اپنے والد سرجیت سنگھ کو فون کرکے گھر بلایا اور انہیں پہلی منزل پر جانے کا کہا۔ جہاں بیوی کو خون میں لت پت دیکھ کر سرجیت سنگھ دنگ رہ گئے اور انہیں فوری ہسپتال لے کر پہنچے، جہاں گیتا کو مردہ قرار دیا گیا۔

پولیس کی کارروائی

پولیس نے مزید بتایا کہ اسی دوران کرشن کانت موقع سے فرار ہوگیا، جسے پولیس نے کارروائی کرتے ہوئے گرفتار کرلیا۔ کرشن کے خلاف مزید قانونی کارروائی کی جارہی ہے۔