خانیوال، مدرسے سے واپس گھر جانیوالی 12 سالہ بچی سے اجتماعی زیادتی

خانیوال میں افسوسناک واقعہ

خانیوال(ڈیلی پاکستان آن لائن) تحصیل کبیروالا میں مدرسے سے پڑھ کر واپس گھر جانے والی 12 سالہ بچی کو دو ملزمان نے اجتماعی زیادتی کا نشانہ بنا ڈالا۔

یہ بھی پڑھیں: شادی سے ایک ماہ قبل منگیتر کی وفات سے دلبرداشتہ نوجوان نے خودکشی کرلی

واقعے کی تفصیلات

ایکسپریس نیوز کے مطابق خانیوال کی تحصیل کبیروالا کے علاقے صدر میں دو ملزمان نے مدرسہ پڑھ کر گھر جانے والی 12 سالہ بچی سلمی بی بی کو پکڑ کر اجتماعی زیادتی کا نشانہ بنایا۔

یہ بھی پڑھیں: مصطفیٰ عامر قتل کیس، ملزم ارمغان نے غیر قانونی کال سینٹر چلانے کے مقدمے سے نام نکالنے کے لیے درخواست عدالت میں جمع کرادی

مدد کے لیے پہنچنے والے مقامی افراد

اس دوران بچی نے شور شرابہ کیا تو علاقہ مکین مدد کے لیے پہنچے اور متاثرہ کو لہولہان حالت میں ملزمان سے بچایا، تاہم مکینوں کے پہنچنے پر ملزمان موقع سے فرار ہوگئے۔

طبی سہولیات اور پولیس کی کارروائی

بعد ازاں متاثرہ بچی کو زخمی حالت میں ٹی ایچ کیو ہسپتال منتقل کیا گیا جبکہ واقعے کی اطلاع ملنے پر پولیس نے موقع پر پہنچ کر شواہد اکھٹے کیے اور متاثرہ کا بیان بھی قلم بند کیا۔