پی ٹی اے نے پاکستان میں غیررجسٹرڈ وی پی این بلاک کرنا شروع کردیئے

پی ٹی اے کی کارروائی

اسلام آباد (ڈیلی پاکستان آن لائن) پی ٹی اے نے پاکستان میں غیررجسٹرڈ وی پی این بلاک کرنا شروع کردیئے ہیں۔

یہ بھی پڑھیں: ہمایوں سعید شوٹنگ کے دوران شدید زخمی، ندا یاسر نے تفصیلات بتادیں

غیررجسٹرڈ وی پی اینز کے خطرات

نجی ٹی وی چینل جیو نیوز کے مطابق، پی ٹی اے ذرائع کا کہنا ہے کہ وی پی اینز کی وائٹ لسٹنگ کیلئے انہیں عارضی طور پر بلاک کیا جارہا ہے۔ غیررجسٹرڈ وی پی اینز سکیورٹی رسک ہیں اور ان کے ذریعے حساس ڈیٹا تک رسائی حاصل کی جا سکتی ہے۔

یہ بھی پڑھیں: نوید قمر نے پبلک اکاؤنٹس کمیٹی کی صدارت سنبھال لی،سیکرٹری کابینہ کو ایک ماہ میں توشہ خانہ ریکارڈ کی فائنل رپورٹ دینے کی ہدایت

قانونی مسائل اور مواد تک رسائی

ذرائع کا کہنا ہے کہ غیررجسٹرڈ اور غیرقانونی وی پی اینز کے ذریعے غیرقانونی مواد تک بھی رسائی حاصل کی جا سکتی ہے۔ پی ٹی اے نے سال 2010 میں وی پی اینز کی رجسٹریشن کا آغاز کیا اور اس وقت تک تقریباً 20 ہزار 500 وی پی اینز رجسٹرڈ ہو چکے ہیں۔

رجسٹریشن کی تفصیلات

1422 سے زائد کمپنیاں اس وقت تک وی پی اینز رجسٹرڈ کر چکی ہیں۔ ذرائع کا کہنا ہے کہ پی ٹی اے وی پی اینز کی وائٹ لسٹنگ کے عمل کو تیز کرنا چاہتا ہے۔ صارفین گزشتہ کئی گھنٹوں سے فری وی پی اینز کے استعمال میں مشکلات کی شکایت کر رہے ہیں۔