آئی ایم ایف کا وفد آج سے 15 نومبر تک پاکستان کا دورہ کرے گا

آئی ایم ایف وفد کا دورہ پاکستان

اسلام آباد (ڈیلی پاکستان آن لائن): عالمی مالیاتی فنڈ (آئی ایم ایف) کا وفد آج سے 15 نومبر تک پاکستان کا دورہ کرے گا۔ اس دورے کے دوران وفد کو پہلی سہ ماہی کی معاشی کارکردگی پر بریفنگ دی جائے گی۔

یہ بھی پڑھیں: موبائل فون اور انٹرنیٹ سروسز کی بندش: پشاور کے صارفین کو درپیش چیلنجز

وفد کی قیادت

ڈان نیوز کے مطابق، وزارت خزانہ کے ذرائع نے بتایا ہے کہ آئی ایم ایف وفد کی قیادت مشن چیف ناتھن پورٹر کریں گے۔ پاکستانی حکام اس دوران موجودہ مالی سال کی پہلی سہ ماہی کے معاشی کارکردگی کے بارے میں آگاہ کریں گے۔ تاہم، یہ وفد توسیعی فنڈ سہولت پروگرام کے پہلے جائزے پر بات چیت نہیں کرے گا۔

معاشی ماہرین کی تنقید

ڈان اخبار میں شائع ہونے والی خبر کے مطابق، معاشی ماہرین نے ریونیو اہداف اور کچھ کلیدی اہداف کی تکمیل میں ناکامی پر مسلم لیگ (ن) کی اتحادی حکومت کو تنقید کا نشانہ بنایا ہے۔ جس کے نتیجے میں یہ خدشات بڑھ گئے ہیں کہ آئی ایم ایف اکتوبر سے دسمبر کی موجودہ سہ ماہی کے لئے مزید ممکنہ طور پر غیر مقبول اقدامات تجویز کر سکتا ہے۔