گرودوارہ روہڑی صاحب کے کنزرویشن و رینوویشن کام کا آغاز، صوبائی وزیر اور سیکرٹری داخلہ نے افتتاح کیا

وزیر اقلیتی امور کا گرودوارہ روہڑی صاحب کا دورہ

لاہور (ڈیلی پاکستان آن لائن) پرامن مذہبی سیاحت کے فروغ کیلئے وزیر اقلیتی امور رمیش سنگھ اروڑہ اور سیکرٹری داخلہ پنجاب نور الامین مینگل نے گرودوارہ روہڑی صاحب ایمن آباد کا دورہ کیا۔ صوبائی وزیر اور سیکرٹری داخلہ نے اس موقع پر مختلف ممالک سے آئے سکھ یاتریوں کو پاکستان میں خوش آمدید کہا۔

یہ بھی پڑھیں: وزیراعلیٰ مریم نواز سے کابینہ میں شامل ہونے والے نئے وزراء رانا محمد اقبال خان اور منشاء اللہ بٹ کی ملاقات

بابا گورونانک کے 555 ویں جنم دن کی تقریبات

وزیر اقلیتی امور سردار رمیش سنگھ اروڑہ نے اظہار خیال کرتے ہوئے کہا کہ بابا گورونانک کے 555 ویں جنم دن کی تقریبات میں شرکت کیلئے دنیابھر سے یاتریوں کی آمد جاری ہے۔ دنیا بھر سے 60 سے 70 ہزار سکھ یاتری جنم دن تقریبات میں شرکت کریں گے اور اس سلسلے میں دنیا بھر سے بڑی تعداد میں سکھ یاتری 20 نومبر کو گرودوارہ روہڑی صاحب ایمن آباد آئیں گے۔ مذہبی سیاحت کے فروغ سے پاکستان کا مثبت تشخص دنیا بھر میں اجاگر ہوگا۔

یہ بھی پڑھیں: ماہ گل بلوچ نے بی ایل ایف کارندوں کی سولر پینلزپر فائرنگ کی ویڈیو شیئر کردی

قدیم تاریخی اور مذہبی ورثہ

سیکرٹری داخلہ پنجاب نور الامین مینگل نے کہا کہ پاکستان میں موجود قدیم تاریخی اور مذہبی ورثہ دنیا بھر کے سیاحوں کی توجہ کا مرکز ہے اور پرامن ماحول، بہترین سیکیورٹی اور عمدہ انتظامات سے سیاحت کو فروغ دے رہے ہیں۔

یہ بھی پڑھیں: امریکی عہدیدار کا افغانستان میں چھوڑے ہوئے امریکی اسلحے کے پاکستان کے خلاف استعمال پر اظہار تشویش

کنزرویشن و رینوویشن ورک کا افتتاح

صوبائی وزیر اور سیکرٹری داخلہ نے گرودوارہ روہڑی صاحب کے کنزرویشن و رینوویشن ورک کا افتتاح بھی کیا۔ ساڑھے 4 کروڑ کی لاگت سے گرودوارہ روہڑی صاحب کے کنزرویشن کام کا آغاز کر دیا گیا ہے۔

انتظامات کی بریفنگ

اس موقع پر کمشنر گوجرانوالہ، آر پی او، ڈپٹی کمشنر اور سی پی او نے سکھ یاتریوں کیلئے کیے گئے انتظامات کے بارے میں بریفنگ دی۔