بابا صدیقی کو گولی مارنے والا شوٹر گرفتار، گینگ سے رابطہ کس طرح ہوا؟ دوران تفتیش انکشافات

گرفتاری کی خبر

نئی دہلی (ڈیلی پاکستان آن لائن ) بھارتی ریاست مہاراشٹرا کے سابق وزیر مرحوم بابا صدیقی کو گولی مارنے والے اہم ملزم شیو کمار کو گرفتار کرلیا گیا۔

یہ بھی پڑھیں: اپنی بیوی کا اجنبیوں سے مبینہ زیادتی کروانے والا شوہر: ‘میری والدہ اس شخص کی دیکھ بھال کر رہی تھیں جس نے اُن کا زیادتی کروایا’

ملزم کا پس منظر

بھارتی میڈیا رپورٹس کے مطابق شیو کمار کو ریاست اترپردیش سے گرفتار کیا گیا ہے اور دوران تفتیش اس نے لارنس بشنوئی گینگ سے وابستہ ہونے کا اعتراف کیا ہے۔

یہ بھی پڑھیں: ایران پر حملہ، امریکہ نے اپنی فوج کو بڑا حکم دے دیا، نیا خطرہ پیدا ہوگیا

گرفتاری کی تفصیلات

بھارتی میڈیا کا بتانا ہے کہ شوٹر شیو کمار بابا صدیقی کے قتل کے بعد سے مفرور تھا اور نیپال فرار ہونے کی کوشش کر رہا تھا۔ تاہم اتر پردیش میں پولیس کارروائی کے دوران شیو کمار کو گرفتار کرلیا گیا۔

یہ بھی پڑھیں: دریائے ستلج کے سیلابی ریلوں سے بہاولپور کے 7بند ٹوٹنے سے ہزاروں ایکڑ فصلیں زیر آب آگئیں

دیگر ملزمان کی گرفتاری

پولیس نے شیو کمار کے علاوہ مزید 4 ملزمان کو بھی گرفتار کیا ہے جس کے بعد بابا صدیقی کے قتل میں ملوث گرفتار ملزمان کی تعداد 23 ہوچکی ہے۔

یہ بھی پڑھیں: مصر کے صدر نے دورۂ پاکستان کی دعوت قبول کر لی

دوران تفتیش شوٹر کے انکشافات

دوران تفتیش ملزم شیو کمار نے بتایا کہ 'بابا صدیقی کو قتل کرنے کے لئے 9.9 ایم ایم پستول کا استعمال کیا گیا جبکہ بابا صدیقی کا قتل لارنس بشنوئی کے بھائی انمول بشنوئی کے کہنے پر کیا گیا۔ ملزمان کا انمول بشنوئی سے رابطہ لارنس بشنوئی کے قریبی ساتھی شبھم لونکر کے ذریعے ہوا کرتا تھا'۔

معلومات کا تبادلہ

اس سے قبل ممبئی پولیس کی جانب سے جاری بیان میں بتایا گیا تھا کہ 'بابا صدیقی کو گولی مارنے سے قبل شوٹرزا انمول بشنوئی کے ساتھ رابطے میں تھے اور انمول بشنوئی نے ملزم کے ساتھ بات چیت کیلئے سنیپ چیٹ کا استعمال کیا تھا'۔