وزیراعلیٰ پنجاب کا ٹماٹر اور پیاز کی کاشت میں اضافے کیلئے میکانائزڈ فارمنگ کا اعلان

وزیراعلیٰ پنجاب کا بڑا اعلان

لاہور (ڈیلی پاکستان آن لائن) وزیراعلیٰ پنجاب مریم نواز نے ٹماٹر اور پیاز کی کاشت میں اضافے کے لیے 3 ارب روپے کا میکانائزڈ فارمنگ پراجیکٹ لانے کا اعلان کر دیا۔

یہ بھی پڑھیں: بابو سرسیلاب میں لاپتہ ڈاکٹر سعد کے بیٹے کی لاش مل گئی

پروگرام کی تفصیلات

وزیراعلیٰ پنجاب مریم نواز شریف کی ہدایت پر ٹماٹر اور پیاز کی پیداوار بڑھانے کے اقدام جاری ہیں، جس کے تحت خصوصی پروگرام میکانائزڈ فارمنگ کے ذریعے 3 ارب روپے کا منفرد اور تاریخ کا پہلا پراجیکٹ لانے کا اعلان کیا گیا ہے۔

یہ بھی پڑھیں: یوکرین نے فرانس سے 100 رافیل جنگی طیارے حاصل کرنے کا معاہدہ کر لیا، زیلنسکی

سبسڈی کا نظام

اس پروگرام کے تحت سبزیوں کی میکانائزڈ فارمنگ کے لیے پلانٹر، پرونرز، اور دیگر زرعی آلات پر 70 فیصد سبسڈی دی جائے گی۔ پیاز اور ٹماٹر کی ویلیو ایڈیشن کے لیے پلپنگ یونٹ، ڈرائر، اور گریڈرز کے لیے بھی 70 فیصد سبسڈی ملے گی۔

یہ بھی پڑھیں: ملک میں مہنگائی کی شرح میں اضافہ

منتخب اضلاع

لودھراں، ملتان اور وہاڑی کے اضلاع پیاز کی کاشت کے لیے منتخب کیے گئے ہیں، جبکہ خوشاب، شیخوپورہ اور مظفر گڑھ کو ٹماٹر کی کاشت کے لیے منتخب کیا گیا ہے۔

یہ بھی پڑھیں: وزیراعظم شہباز شریف کا آپریشن بنیان مرصوص کی فرنٹ لائنز کا دورہ

فارمر انٹرپرائز گروپس

میکانائزڈ فارمنگ کے لیے 6 اضلاع میں 25 ایکڑ تک اراضی کے مالک کے فارمر انٹرپرائز گروپس بنانے کا فیصلہ کیا گیا ہے۔ فارمر گروپس کے لیے فارمرز فیلڈ سکول میں جدید زراعت اور سمارٹ طریقہ کاشت کے بارے میں ٹریننگ کا اہتمام کیا جائے گا۔

یہ بھی پڑھیں: آپ کے بڑے بڑے لیڈران کے کسی دن سارے پیغامات اور وائس نوٹس نکال دیئے تو منہ چھپانے کی جگہ نہیں ملے گی: راجہ عامر شہزاد کی سیاسی کارکنان کو دھمکی

پنجاب ایگریکلچر ٹرانس فارمیشن پراجیکٹ

پنجاب ایگریکلچر ٹرانس فارمیشن پراجیکٹ کی لانچنگ پر 3 ارب روپے لاگت آئے گی۔

یہ بھی پڑھیں: ٹرمپ کشمیر پر ثالثی کی پیشکش کرچکے، جمعہ کو پاکستانی رہنما سے ملاقات ہوگی: ٹیمی بروس

وزیراعلیٰ مریم نواز کا عزم

وزیراعلیٰ مریم نواز نے کہا ہے کہ فارمر گروپس کو انٹرنیشنل مارکیٹ سے بھی منسلک کیا جائے گا۔ انہوں نے کہا کہ پنجاب کے کاشتکاروں کو خوشحال اور خوش دیکھنا میرا عزم ہے۔ یہ پہلی مرتبہ ہے کہ پنجاب میں سبزیوں کی کاشت کے لیے باقاعدہ پراجیکٹ شروع کیے جا رہے ہیں۔

یہ بھی پڑھیں: توشہ خانہ ٹو کیس میں عمران خان اور بشریٰ بی بی پر فرد جرم عائد

بجٹ کی نگرانی

ان کا مزید کہنا تھا کہ گروپ اور میکانائزڈ فارمنگ سے نہ صرف پیداوار بڑھے گی بلکہ لاگت بھی کم ہو گی۔ عام آدمی کی آسانی اور خوشی کے لیے ہر اقدام کریں گے۔ پنجاب میں اشیائے خوردونوش سب سے سستی میسر ہیں۔ دن رات مانیٹرنگ بھی کی جا رہی ہے۔

رابطہ کی تفصیلات

ایگریکلچر ٹرانس فارمیشن پراجیکٹ کے لیے ہیلپ لائن 17000-0800 قائم کی گئی ہے۔ خواہش مند کاشتکار ایگریکلچر کی فیس بک، ویب سائٹ یا ایگریکلچر اصلاح آبپاشی دفاتر سے بھی رابطہ کر سکتے ہیں۔