بلوچستان کابینہ نے صوبے میں امن وامان سے متعلق ایکٹ کی منظوری دے دی

بلوچستان کابینہ کا اجلاس

کوئٹہ (ڈیلی پاکستان آن لائن) بلوچستان کابینہ نے صوبے میں بحالی امن کے لیے سکیورٹی اداروں کے مربوط اقدامات کو نتیجہ خیز بنانے سے متعلق ایکٹ کی منظوری دے دی۔

یہ بھی پڑھیں: بیگم آباد احمد خاں پیپلز پارٹی کی طرف سے ایم پی اے بنیں، 1960ء کے عشرہ میں ہمارے ادارہ پاکستان یوتھ موومنٹ کے سیمینارز میں تشریف لائیں

بم دھماکے کی مذمت

ڈان نیوز کے مطابق وزیر اعلیٰ سرفراز بگٹی کی زیر صدارت بلوچستان صوبائی کابینہ کا اجلاس ہوا جس میں ریلوے سٹیشن بم دھماکے کے شہدا کے لیے دعا کی گئی۔ صوبائی کابینہ نے ریلوے سٹیشن بم دھماکے کی شدید مذمت کی۔

یہ بھی پڑھیں: ٹرمپ ایران، اسرائیل تنازع پر اپنے مؤقف میں تبدیلی لاتے دکھائی دے رہے ہیں: برطانوی میڈیا کا دعویٰ

نئے سکیورٹی ایکٹ کی منظوری

اجلاس میں بلوچستان سکیورٹی آف وینر ایبل اسٹیبلشمنٹ ایکٹ 2024 کی منظوری دی گئی۔ اس ایکٹ کے تحت بلوچستان میں بحالی امن کے لیے مختلف سکیورٹی اداروں کے مربوط اقدامات کو بار آور بنایا جائے گا، اور اس میں بحالی امن کے لیے ذمہ داریوں کا واضح تعین کیا جائے گا۔

یہ بھی پڑھیں: میجر عدنان نے خوارج سے لڑتے ہوئے جان کی قربانی دی، والد نے کہابیٹے کی شہادت پر فخر ہے: وزیر اعظم

نئے پولیس سٹیشنوں کا قیام

بلوچستان کابینہ نے راڑا شم اور کنگری میں نئے پولیس سٹیشنوں کے قیام کی منظوری دی، جبکہ چمن ماسٹر پلان لیویز تھانہ کے قیام کی منظوری بھی دی گئی۔

یہ بھی پڑھیں: لائسنس کے بغیر موٹرسائیکل چلانے پر 25 ہزار اور کار پر 50 ہزار روپے جرمانے کا فیصلہ

مالی فیصلے اور ترقیاتی منصوبے

صوبائی کابینہ نے بلوچستان سیلز ٹیکس آن سروسز ریونیو اپیلیٹ ٹریبونل کے چیئرمین اور اراکین کی تعیناتی کی بھی منظوری دی، اور کوئٹہ ڈویلپمنٹ پیکیج کے لیے درکار فنڈز کی بھی منظوری دی گئی۔

یہ بھی پڑھیں: شادی کا جھانسہ دے کر خاتون سے مبینہ زیادتی کرنے والا اشتہاری ملزم گرفتار

دہشت گردی کیخلاف عزم

اجلاس سے خطاب میں وزیراعلی بلوچستان سرفراز بگٹی نے کہا کہ دہشت گردی کے عفریت سے نمٹنے کے لیے سکیورٹی فورسز اور حکومت مل کر لڑیں گے۔ انہوں نے کہا کہ ہم دہشت گردی کا خاتمہ کرکے امن کی بحالی کو یقینی بنائیں گے۔

یہ بھی پڑھیں: ملک میں متوازی نظام قائم کرنے کی اجازت نہیں دے سکتے، وزیرداخلہ

نئے پولیس سٹیشنوں کے حدود

وزیراعلیٰ بلوچستان نے ہدایت کی کہ صوبے میں مجوزہ نئے پولیس سٹیشنوں کی حدود کا تعین عوامی ضروریات سے ہم آہنگ کیا جائے۔

یہ بھی پڑھیں: کراچی: مویشی بیوپاریوں سے ایک کروڑ روپے لوٹنے میں ملوث 2 پولیس اہلکاروں سمیت 5 ملزمان گرفتار

کوئٹہ کی ترقی

انہوں نے کہا کہ کوئٹہ شہر پورے صوبے کا چہرہ ہے؛ صوبائی دارالحکومت کی بہتری کے لیے کوئٹہ ڈویلپمنٹ پیکیج کو وسعت دی جائے، اور شہر کی ترقی اور خوبصورتی کے لیے درکار فنڈز کا اجرا بلا تاخیر کیا جائے گا۔

حالیہ بم دھماکا

واضح رہے کہ دو روز قبل بلوچستان کے دارالحکومت کوئٹہ کے ریلوے سٹیشن میں خودکش دھماکے کے نتیجے میں خاتون سمیت 27 افراد جاں بحق اور 62 سے زائد زخمی ہوگئے تھے۔