ریاض میں عرب رہنماؤں کا اجلاس: ٹرمپ کی واپسی سے امید اور غیر یقینی کے درمیان جھولتا مشرقِ وسطیٰ

اس معاہدے کو تاریخ کا بدترین قرار دیتے ہوئے، انہوں نے علاقے کی کئی حکومتوں کے خیالات کی عکاسی کی۔ ان کا کہنا تھا کہ اس معاہدے کا مقصد ایران کے جوہری عزائم کو روکنا تھا مگر یہ ایران کے بیلسٹک میزائل پروگرام کا مقابلہ کرنے میں ناکام رہا۔ اس کے نتیجے میں پاسداران انقلاب کو مالی وسائل حاصل ہوئے، جنہیں انہوں نے اپنے پراکسیز کو فنڈ فراہم کرنے کے لئے استعمال کیا۔

سنہ 2020 میں ٹرمپ نے پاسدارانِ انقلاب کی قدس فورس کے سربراہ جنرل قاسم سلیمانی کی ہلاکت کا حکم دیا، جس نے خلیجی عرب ریاستوں کو خوش جبکہ ایران کو ناراض کیا۔

لیکن آج کا مشرق وسطیٰ چار سال پہلے کے مشرق وسطیٰ سے بہت مختلف ہے، جب ٹرمپ وائٹ ہاؤس چھوڑ کر گئے تھے۔

اسرائیل کی حماس اور حزب اللہ کے خلاف جنگ جاری ہے جبکہ اس نے یمن میں حوثیوں اور ایران میں ان کے سہولت کاروں کے خلاف بھی کارروائیاں کی ہیں۔

خطے میں بائیڈن انتظامیہ کا تاثر یہ ہے کہ وائٹ ہاؤس اپنے قریبی اتحادی اسرائیل کو غزہ اور لبنان کی جنگوں کے دوران روکنے میں موثر کردار ادا نہیں کر سکا۔

خیال ہے کہ اگر ٹرمپ دوبارہ وائٹ ہاؤس میں واپس آ جائیں تو اسرائیل کو مزید ’فری ہینڈ‘ ملے گا تاکہ وہ ایران کے تیل اور جوہری تنصیبات کو نشانہ بنا سکے، جنہیں بائیڈن انتظامیہ نے روکا ہوا تھا۔

سابق اسرائیلی انٹیلیجنس افسر جوشوا سٹینرچ کا کہنا ہے کہ ’وہ خطے میں اہم اتحادی بن چکے ہیں کیونکہ وہ اسرائیل کی کھل کر حمایت کرتے ہیں اور ایران کی عدم استحکام کی کوششوں کے خلاف سخت موقف رکھتے ہیں۔ ان کی واپسی کو اس تناظر میں دیکھا جائے گا کہ اس سے ایران کے اثر و رسوخ کو کم کرنے کے لئے ٹھوس کوششیں ہوں گی۔‘

لیکن خطے میں کچھ چیزیں بالکل بدل چکی ہیں۔

چین کی ثالثی میں سعودی عرب اور ایران نے اپنے اختلافات ختم کرنے پر اتفاق کیا ہے، جس سے سات سالہ دشمنی کا دور ختم ہوا۔ ان سات برسوں میں یمن میں جنگ ہوئی جہاں سعودی ایئر فورس نے ایرانی حمایت یافتہ حوثی باغیوں پر بمباری کی تھی۔

اتوار کو سعودی آرمی چیف تہران گئے اور اپنے ایرانی ہم منصب سے ملاقات کی۔ دونوں ممالک اب دفاعی اور سکیورٹی امور میں تعاون بڑھانے کے بارے میں بات چیت کر رہے ہیں۔

1979 کے ایرانی انقلاب کے بعد سے سعودی عرب اور اس کے سنی عرب پڑوسی ایران کو خطے میں ایک بڑا خطرہ سمجھتے ہیں۔ سعودی عرب میں 2019 کے دوران تیل کی تنصیبات پر ڈرون حملہ خلیجی عرب ریاستوں کے لیے یاد دہانی ہے کہ وہ ایران کی طرف سے کسی حملے کی صورت میں کتنے کمزور نظر آئیں گے۔

آج جب عرب اور اسلامی سمٹ غزہ اور لبنان میں جنگوں کے خاتمے کا مطالبہ کر رہا ہے تو ٹرمپ کے دوسرے صدارتی دور کے دوران مشرق وسطیٰ میں تبدیلیوں کے حوالے سے امید اور غیر یقینی بھی عیاں ہے۔