بانی پی ٹی آئی کی کال پر ادارے کریک ڈاؤن کر سکتے ہیں: رانا ثنا اللہ

وزیراعظم کے مشیر برائے سیاسی امور کا بیان

اسلام آباد (ڈیلی پاکستان آن لائن) وزیراعظم کے مشیر برائے سیاسی امور رانا ثناء اللّٰہ نے کہا ہے کہ بانی پی ٹی آئی جس قسم کی کال دے رہے ہیں اُس کے نتیجے میں قانون نافذ کرنے والے اداروں کو کریک ڈاؤن کی کھلی چھوٹ ملے گی۔ پھر اُس کے بعد یہ روئیں گے۔

یہ بھی پڑھیں: لودھراں کے قریب تیز رفتار کی کئی بوگیاں الٹ گئیں

لوگوں کی رائے

جیو نیوز کے پروگرام میں بات چیت کرتے ہوئے رانا ثناء نے کہا کہ لوگ افراتفری اور انتشار کے حق میں نہیں ہیں۔ ان کی کال پر کوئی نہیں نکلے گا۔ انہوں نے مزید کہا کہ اگر علی امین گنڈاپور سر سے کفن باندھ کر آنا چاہتے ہیں تو پہلے استعفیٰ دیں۔ بانی پی ٹی آئی جب تک ہٹ دھرمی کی پالیسی ختم کرکے سیاسی جماعتوں کے ساتھ نہیں بیٹھیں گے، ان کے لیے کوئی راستہ نہیں ہے۔

یہ بھی پڑھیں: وزیراعظم شہباز شریف اور عسکری قیادت کی خواہش ہے کہ عالمی اضافے کے باوجود پیٹرول کی قیمتیں مزید نہ بڑھائی جائیں، ڈان اخبار کی رپورٹ

بانی پی ٹی آئی کی گفتگو پر تبصرہ

رانا ثناء نے مزید کہا کہ بانی پی ٹی آئی جس طرح کی گفتگو کر رہے ہیں یہ اپنے کارکنوں کے ساتھ زیادتی ہے۔ کفن باندھنے اور جنازہ پڑھنے کی باتیں کیوں؟ کہہ دیتے کہ مطالبات کے لیے پرامن احتجاج کریں گے، طاقت کے استعمال پر اجارہ داری ریاست کی ہے، کسی گروہ یا جماعت کی نہیں ہوسکتی۔

یہ بھی پڑھیں: پاکستان کی صنعتی ترقی گھریلو، چھوٹے اور درمیانے پیمانے کی صنعتوں کی ترقی سے مشروط ہے،وزیرِ اعظم شہباز شریف

احتجاج کے طریقے

انہوں نے کہا کہ کفن باندھنے اور جنازے پڑھنے کی بات کے بعد کیا کوئی پھول لے کر کھڑا ہو؟ ہم نے اپنے احتجاج میں کبھی دھرنے دینے یا تشدد کی بات نہیں کی۔ رہنما مسلم لیگ ن نے کہا کہ بانی پی ٹی آئی اسٹیبلشمنٹ کے ذریعے ہمیں ختم کروانا چاہتے تھے۔

یہ بھی پڑھیں: لڑاکا طیارہ پلوامہ میں ایک سکول پر گرا ہے، مقبوضہ وادی کے صحافی نے ویڈیو شیئر کردی۔

سیاسی حالات کا تجزیہ

بانی پی ٹی آئی کا باجوہ سے جھگڑا اس بات پر تھا کہ اپوزیشن کو ختم کریں، باجوہ نے ساتھ نہیں دیا تو کہنا شروع کردیا کہ یہ میر جعفر اور میر صادق ہیں، کسی کو نہیں چھوڑوں گا، کہہ کر اپنی ہٹ دھرمی کی وجہ سے یہ خود بھی مشکل میں ہیں اور ملک بھی مشکل کا شکار ہے۔