عادل بازئی نے بجٹ میں ووٹ دیا نہ آئینی ترمیم میں، پارٹی پالیسی سے انحراف پر نااہل کیا جائے، وکیل الیکشن کمیشن

اسلام آباد میں الیکشن کمیشن کی سماعت

اسلام آباد(ڈیلی پاکستان آن لائن) الیکشن کمیشن میں نااہلی ریفرنس میں مسلم لیگ( ن) کے وکیل نے دلائل دیتے ہوئے کہا کہ عادل بازئی دوسری جماعت میں گئے، بجٹ میں ووٹ نہیں دیا نہ آئینی ترمیم پر، عادل بازئی نے پارٹی پالیسی سے انحراف کیا، ان کو نااہل کیا جائے۔

یہ بھی پڑھیں: چینی کی قیمت کو کنٹرول کرنے کیلئے بڑا فیصلہ کر لیا گیا

عادل بازئی کی نااہلی کی درخواست

نجی ٹی وی چینل "جیو نیوز" کے مطابق عادل بازئی کی نااہلی کیلئے نوازشریف کی درخواست پر سماعت ہوئی، چیف الیکشن کمشنر کی سربراہی میں 3 رکنی بنچ نے سماعت کی۔ وکیل مسلم لیگ (ن) نے کہا کہ 8 ماہ بعد یہ بات کررہے ہیں، عادل بازئی نے مسلم لیگ (ن) کا حلف نامہ جمع کرایا، الیکشن کمیشن کو بیان حلفی دیکھ کر فیصلہ ہونا ہے۔

یہ بھی پڑھیں: پاکستان اور انگلینڈ کے میچ کے دوران کمنٹیٹر عامر سہیل اور زینب عباس ایک تصویر کی وجہ سے مشکل میں پھنس گئے

ممبر کمیشن کی رائے

ممبر کمیشن نے کہا کہ بیان حلفی آتا ہے تو کہتے ہیں آپ اس جماعت سے وابستہ ہیں تو پھر وہ اس جماعت کے ہوتے ہیں۔

مسلم لیگ (ن) کے وکیل کی استدعا

وکیل مسلم لیگ نے کہا کہ قومی اسمبلی کے ریکارڈ میں اس کو بھی اس جماعت کا تسلیم کیا جاتا ہے، عادل بازئی نے ہمارا مؤقف تسلیم کیا ہے۔ عادل بازئی دوسری جماعت میں گئے، بجٹ میں ووٹ نہیں دیا نہ آئینی ترمیم پر، عادل بازئی نے پارٹی پالیسی سے انحراف کیا، ان کو نااہل کیا جائے۔