گلگت بلتستان کے علاقے استور میں باراتیوں کی بس کھائی میں جا گری ، 18افراد جاں بحق

بس کا حادثہ: گلگت بلتستان میں 18 افراد جان سے گئے

سکردو(ڈیلی پاکستان آن لائن) گلگت بلتستان کے علاقے استور سے چکوال جانے والی باراتیوں کی بس دریا میں جاگری، جس کے نتیجے میں 18 افراد جاں بحق ہوگئے۔ ترجمان گلگت بلتستان حکومت فیض اللہ فراق کے مطابق استور سے چکوال جانے والی باراتیوں کی بس تھلیچی پل کے قریب دریا میں جاگری۔ بس میں 23 سے زائد مسافر سوار تھے۔ یہ افراد دلہن کو چھوڑنے کے لیے استور سے چکوال جا رہے تھے۔

یہ بھی پڑھیں: شاپور جی سکلت: بھارت کے ایک امیر خاندان کے سیاستدان جنہوں نے اپنے نام کے ساتھ ‘ٹاٹا’ نہیں لگایا

ریسکیو آپریشن اور بدقسمتی کی خبر

فیض اللہ فراق کے مطابق دریا سے 18 افراد کی لاشیں اور ایک زخمی کو نکالا گیا ہے جبکہ بقیہ افراد کی تلاش جاری ہے۔ ترجمان کے مطابق وزیراعلیٰ گلگت بلتستان نے حادثے پر اظہار افسوس کرتے ہوئے ریسکیو آپریشن تیز کرنے کی ہدایت کی ہے۔

پولیس کی تفصیلات اور انکوائری

دوسری جانب پولیس کا کہنا ہے کہ کوسٹر میں 25 افراد سوار تھے اور دلہن کو زخمی حالت میں بچالیا گیا ہے۔ ایس پی دیامر شیر خان کا کہنا ہے کہ لاپتہ افراد کی تلاش کے لیے ریسکیو آپریشن جاری ہے۔