پی سی بی کی جانب سے آئی سی سی کو لکھے گئے خط کے مندرجات سامنے آگئے

پاکستان کرکٹ بورڈ کا خط

لاہور (ڈیلی پاکستان آن لائن) پاکستان کرکٹ بورڈ کی جانب سے آئی سی سی کو لکھے گئے خط کے مندرجات منظر عام پر آ گئے ہیں۔

یہ بھی پڑھیں: حکومت اور پی ٹی آئی کے مذاکرات سے کچھ نہیں نکلنا، شیخ رشید

بھارتی کرکٹ بورڈ کی جانب سے اطلاعات

سماء نیوز کے مطابق آئی سی سی کو لکھے جانے والے خط میں کہا گیا ہے کہ بھارتی کرکٹ بورڈ نے انہیں کب یہ اطلاع دی کہ انڈین کرکٹ ٹیم پاکستان میں ہونے والی چیمپینز ٹرافی میں شرکت نہیں کر پائے گی۔ کیا بھارتی کرکٹ بورڈ نے آئی سی سی کو اپنے انکار سے تحریری طور پر آگاہ کیا ہے؟

یہ بھی پڑھیں: محکمہ تعلیم سندھ نے گرمیوں کی چھٹیوں کا اعلان کردیا

وجوہات کا جائزہ

خط میں کہا گیا ہے کہ اگر بھارت نے تحریری طور پر پاکستان آنے سے معذرت کی ہے تو اس کی کیا وجوہات بیان کی گئی ہیں۔ خط میں سوال کیا گیا کہ آئی سی سی نے بھارتی کرکٹ بورڈ کے ٹیم بھیجنے سے انکار پر اس کی جانب سے کیا جواب دیا ہے۔

یہ بھی پڑھیں: برطانوی وزیراعظم مشرق وسطیٰ کی صورتحال پر ’کوبرا وزارتی اجلاس‘ کی صدارت کریں گے

قانونی مشورہ اور آئندہ لائحہ عمل

پاکستان کرکٹ بورڈ ان تمام سوالات کے جواب لینے کے بعد قانونی مشورہ کرے گا۔ پی سی بی جواب آنے پر حکومت سے گائیڈنس لے گا تاکہ آئندہ کا لائحہ عمل ترتیب دیا جا سکے۔ اگر بھارت واقعی اپنی کرکٹ ٹیم پاکستان نہیں بھیجتا اور آئی سی سی بھارتی انکار کو تسلیم کر لیتا ہے تو پاکستان چیمپئنز ٹرافی میں بھارت کے خلاف میچ نہیں کھیلے گا۔

پی سی بی کی درخواست

پی سی بی نے آئی سی سی سے انڈین کرکٹ بورڈ کی پاکستان آنے سے تحریری معذرت کی کاپی بھی مانگی ہے تاکہ ان وجوہات کا جائزہ لیا جا سکے جن کی بنیاد پر یہ فیصلہ کیا گیا ہے۔