دبئی میں اڑنے والی ٹیکسیوں کے سٹیشن کی تعمیر شروع

دبئی میں فضائی ٹیکسی سٹیشن کی تعمیر

دبئی (ڈیلی پاکستان آن لائن) انٹرنیشنل ایئرپورٹ کے قریب اڑنے والی ٹیکسیوں کیلئے پہلے سٹیشن کی تعمیر شروع کر دی گئی۔

یہ بھی پڑھیں: ہرنائی میں شہید میجر محمد حسیب کی نماز جنازہ ادا کردی گئی

نئے سٹیشن کی تفصیلات

24 نیوز کے مطابق متحدہ عرب امارات کے نائب وزیر اعظم شیخ حمدان بن محمد بن راشد نے بتایا کہ یہ ٹیکسی سٹیشن 3100 مربع کلومیٹر پر محیط ہوگا، جس میں 42000 ٹیکسیاں لینڈ کر سکیں گی۔ اس سٹیشن کی گنجائش سالانہ 1 لاکھ 70 ہزار مسافروں کے سوار ہونے اور اترنے کی ہے۔

یہ بھی پڑھیں: دنیا میں شدید گرمی سے ہونے والی اموات کی سالانہ اوسط 5 لاکھ کے قریب پہنچ گئی: انٹرنیشنل فنانس کارپوریشن

خدمات کی شروعات

ولی عہد شیخ حمدان بن محمد بن راشد نے سوشل میڈیا 'ایکس' پر لکھا کہ ٹیکسی سٹیشن کا پہلا مرحلہ ڈاؤن ٹاؤن میں 2026 سے فضائی ٹیکسیوں کے لیے اپنی خدمات فراہم کر سکے گا۔ ان کے مطابق، یہ سٹیشن مستقبل میں تیز ترین مواصلاتی سہولتوں کو پورے تحفظ اور پائیداری کے ساتھ شکل دے گا، اور سفر چند منٹوں میں طے ہونے لگے گا۔

یہ بھی پڑھیں: محمد عامر سابق کپتان بابراعظم کے حق میں میدان میں آ گئے ، اہم ییغام جاری کر دیا

سفر کی مدت میں کمی

نئے مواصلاتی نظام یعنی اڑنے والی ٹیکسیوں کی شروعات سے توقع کی جا رہی ہے کہ سفر کا دورانیہ محض منٹوں تک محدود ہوجائے گا۔ مصروف ترین علاقوں میں کم سے کم اخراجات کے ساتھ سفر صرف دس منٹ تک طے ہوجائے گا۔

ٹیکسی کی گنجائش اور رفتار

ایک ٹیکسی میں پائلٹ کے ساتھ چار مسافروں کے بیٹھنے کی گنجائش ہوگی، جبکہ اس کی رفتار 320 کلومیٹر فی گھنٹہ ہوگی۔ اس کا مطلب یہ ہوا کہ دبئی کے بین الاقوامی ایئرپورٹ سے جمیرہ تک صرف 10 منٹ میں پہنچا جا سکے گا، جو اس سے پہلے بذریعہ کار 45 منٹ میں ممکن ہوتا تھا۔