نشتر ہسپتال ملتان میں ڈائیلیسز کے 30 مریض ایڈز کا شکار ہو گئے

ایڈز کے مریضوں کا پتہ چلا

ملتان(ڈیلی پاکستان آن لائن) نشتر ہسپتال ملتان میں ڈائیلیسز کے 30 مریض ایڈز کا شکار ہو گئے۔

یہ بھی پڑھیں: بشریٰ بی بی خواتین وارڈ کے انتہائی محفوظ سیل میں ہیں ، اڈیالہ جیل انتظامیہ

ہسپتال انتظامیہ کا بیان

نجی ٹی وی چینل جیو نیوز کے مطابق ہسپتال انتظامیہ کا کہنا ہے کہ ملتان نشتر ہسپتال میں 30 مریض ایڈز میں مبتلا ہو گئے ہیں۔

یہ بھی پڑھیں: کراچی کا موسم گرم رہنے اور تیز ہوائیں چلنے کی پیشگوئی

وائرس کی منتقلی کا سبب

ہسپتال کے ڈائیلیسز یونٹ میں ایڈز کے مریض کا ڈائیلیسز کیا گیا تھا، اسی مشین پر دیگر مریضوں کا ڈائیلیسز کرنے سے یہ وائرس منتقل ہوا۔ واقعے کے بعد 2 ڈائیلیسز مشینوں کو بند کر دیا گیا ہے۔

ایم ایس ڈاکٹر کاظم کا بیان

ایم ایس ڈاکٹر کاظم نے کہا ہے کہ چند مریضوں میں ایڈز میں مبتلا ہونے کا علم ہوا ہے۔ اس واقعے سے متعلق انکوائری کمیٹی بنا دی گئی ہے۔

ان کا کہنا ہے کہ مریض کا 6 ماہ بعد ایڈز اور 3 ماہ بعد ہیپاٹائٹس سکریننگ ٹیسٹ کرایا جاتا ہے۔ ممکن ہے کسی مریض نے باہر سے خون لگوایا ہو اور ایڈز کے جراثیم اس میں منتقل ہو گئے ہوں۔