سموگ سے پریشان لاہوریوں کے لیے خوشخبری، محکمہ موسمیات نے کل سے بارش کی پیش گوئی کردی

موسمیاتی پیشگوئی

لاہور(ڈیلی پاکستان آن لائن)محکمہ موسمیات نے ملک میں کل شام سے 16 نومبر تک بارشوں کی پیشگوئی کی ہے۔

یہ بھی پڑھیں: ایف بی آر کی بینکوں سے کیش نکلوانے پرودہولڈنگ ٹیکس دوگنا کرنے کی تجویز

مغربی ہواؤں کا سلسلہ

محکمہ موسمیات نے ملک کے بالائی علاقوں میں مغربی ہواؤں کا سلسلہ کل شام سے داخل ہونے کا امکان ظاہر کیا ہے۔ چترال، دیر، سوات، شانگلہ، بٹ گرام اور ملحقہ علاقوں میں بارش کا امکان ہے۔

یہ بھی پڑھیں: نئے سال کے موقع پر پٹرولیم مصنوعات کی قیمتوں میں 10 روپے 60 پیسے فی لیٹر کمی متوقع

ہزارہ کے بالائی علاقوں میں بارش

مانسہرہ، ایبٹ آباد اور ہری پور سمیت ہزارہ کے بالائی علاقوں میں بارش کا امکان ہے۔

یہ بھی پڑھیں: پاک بھارت ڈی جی ایم اوز کے درمیان رابطہ، بھارتی میڈیا کا دعویٰ

کشمیر اور گلگت بلتستان کی صورتحال

کشمیر، گلگت بلتستان میں بارش اور پہاڑوں پر برفباری ہوگی۔ اسلام آباد، راولپنڈی، اٹک، چکوال، تلہ گنگ، جہلم میں بھی بارش متوقع ہے۔

یہ بھی پڑھیں: انگلش کرکٹر جو روٹ نے نیا ریکارڈ قائم کر دیا

دیگر شہروں میں بارش کی پیشگوئی

فیصل آباد، گوجرانوالہ، لاہور، خوشاب اور سرگودھا میں بھی بارش کا امکان ہے۔ کوئٹہ، ژوب، بارکھان، موسیٰ خیل میں بادل برسیں گے، جبکہ بھکر، لیہ، ڈیرہ غازی خان میں بھی گرج چمک کے ساتھ بارش متوقع ہے۔

بارشوں کا دورانیہ

محکمہ موسمیات نے بارشوں کا سلسلہ کل شام سے 16 نومبر کی صبح تک جاری رہنے کی پیشگوئی کی ہے۔