وفاقی وزیرداخلہ محسن نقوی کا دورہ ہنگری، بڈاپیسٹ میں سوئٹزرلینڈ، یورپی یونین اور انٹرنیشنل مائیگریشن آرگنائزیشن کے وزراء و سربراہان سے ملاقاتیں

بڈاپیسٹ میں ملاقاتیں

وفاقی وزیرداخلہ محسن نقوی نے ہنگری کے شہر بڈاپیسٹ میں سوئٹزرلینڈ، یورپی یونین اور انٹرنیشنل مائیگریشن آرگنائزیشن کے وزراء و سربراہان سے ملاقاتیں کیں۔ ان ملاقاتوں میں سوئٹزرلینڈ کی وزیر مائیگریشن کرسٹین شرنربورنر (Chirstine Schraner Burener)، یورپی یونین کے مائیگریشن و داخلہ امور کے سربراہ جوہانس لچنر (Johannes Luchner) اور انٹرنیشنل سنٹر فار مائیگریشن پالیسی ڈویلپمنٹ کے سربراہ مائیکل سپنڈ لیگر (Michael Spindelegger) شامل تھے۔

یہ بھی پڑھیں: ڈونلڈ ٹرمپ کی جیت کے ساتھ ہی بٹ کوائن کی قیمت تاریخ کی بلند ترین سطح پر پہنچ گئی

باہمی دلچسپی کے امور

ملاقاتوں میں باہمی دلچسپی کے امور، غیر قانونی مائیگریشن، اور انسانی سمگلنگ روکنے کے حوالے سے تفصیلی بات چیت کی گئی۔ اس دوران غیر قانونی مائیگریشن کے سدباب کے لیے مشترکہ اقدامات کی ضرورت پر زور دیا گیا۔

یہ بھی پڑھیں: ایسی حالت میں سیکنڈ ہینڈ گاڑی نہیں ملتی تھی، ہم نئی ڈبل کیبن لے رہے ہیں۔ JAC T9 کے مقابلے میں ایسوزو نے D-Max لانچ کر دیا

انسانی سمگلنگ کا چیلنج

وفاقی وزیرداخلہ محسن نقوی نے کہا کہ انسانی سمگلنگ ایک کثیر الجہتی چیلنج بن چکا ہے، اور انٹرنیشنل مافیاز کے گٹھ جوڑ سے کوئی بھی ملک تنہا نہیں نمٹ سکتا۔ انہوں نے اس عالمی چیلنج سے نمٹنے کے لئے عالمگیریت پالیسی اختیار کرنے کی ضرورت پر بھی زور دیا۔

یہ بھی پڑھیں: بھارت نے 6 مقامات پر 24 حملے کیے، کیا نقصان ہوا اور آج دن میں کیا کیا جائے گا؟ ڈی جی آئی ایس پی آر نے تمام تر تفصیلات سے قوم کو آگاہ کردیا۔

پائیدار اقدامات کی ضرورت

وزیر داخلہ نے مزید کہا کہ غیر قانونی مائیگریشن اور انسانی سمگلنگ کے سدباب کے لئے یورپی یونین اور مائیگریشن پالیسی ڈویلپمنٹ کے تعاون کا خیر مقدم کریں گے تاکہ نئی نسلوں کے لیے ایک بہتر مستقبل چھوڑا جا سکے۔ اس مقصد کے حصول کے لیے باہمی وفود کے تبادلوں اور اداروں کی استعداد کار بڑھانے کے لیے اشتراک کار کو بڑھانے کی ضرورت ہے۔

باہمی تعاون کی یقین دہانی

وزیر داخلہ محسن نقوی نے یہ بھی کہا کہ متعلقہ اداروں کے افسران کو خصوصی تربیت کے لئے سوئٹزرلینڈ، یورپی یونین اور انٹرنیشنل مائیگریشن پالیسی ڈویلپمنٹ کے تعاون کی ضرورت ہے۔ تینوں وفود نے وفاقی وزیرداخلہ محسن نقوی کو باہمی اشتراک کار بڑھانے کے لئے تعاون کی یقین دہانی کرائی۔ اس موقع پر ہنگری میں پاکستان کے سفیر آصف حسین میمن اور دیگر متعلقہ سفارت کار بھی موجود تھے۔