شہری قوانین کی پابندی یقینی بنائیں اور جرمانوں سے بچیں،وزیر خزانہ و پارلیمانی امور پنجاب مجتبیٰ شجاع الرحمان
کابینہ کی سٹینڈنگ کمیٹی کا اجلاس
لاہور (ڈیلی پاکستان آن لائن) وزیر خزانہ و پارلیمانی امور پنجاب مجتبیٰ شجاع الرحمان کی زیر صدارت کابینہ کی سٹینڈنگ کمیٹی برائے امور قانون سازی و نجکاری کا دسواں اجلاس ایوان وزیر اعلیٰ میں ہوا۔ اس اجلاس میں صوبائی وزیر برائے مواصلات و قانون ملک صہیب بھرتھ اور متعلقہ محکموں کے سیکرٹری صاحبان نے شرکت کی۔
یہ بھی پڑھیں: کراچی میں سیکیورٹی گارڈ کی فائرنگ سے 2 چینی شہری زخمی، ایک کی حالت تشویشناک
ایجنڈے کی منظوری
اجلاس میں مختلف محکموں کی جانب سے پیش کی جانے والی 10 سے زائد ایجنڈوں کی منظوری دی گئی۔ ان میں پنجاب موٹر وہیکل آرڈیننس 1964، ہوم ڈیپارٹمنٹ کے تحت پولیس ایوارڈ کمپنسیشن، بارڈر ملٹری اور بالوچ لیوی سروس رولز 2009 میں ترامیم شامل ہیں۔ اس کے علاوہ پنجاب کینال واٹر سپلائی اور پنجاب ایریگیشن ریویو بورڈ کی ایڈجسٹمنٹ آف کینال کمانڈ ایریا رولز 2024 کا جائزہ بھی لیا گیا۔
یہ بھی پڑھیں: امریکی صدارتی انتخاب: ووٹنگ کا عمل جاری، بعض مقامات پر قطاریں اور کچھ جگہوں پر انتظار
اوور لوڈڈ گاڑیوں پر جرمانے
اجلاس سے خطاب کرتے ہوئے صوبائی وزیر نے کہا کہ عوام پر ٹیکسز کی شکل میں مزید بوجھ نہیں ڈالنا چاہتے۔ تاہم روڈ انفراسٹرکچر کے تحفظ اور ٹریفک قوانین پر عملداری کو یقینی بنانے کے لیے اوور لوڈڈ گاڑیوں، بسوں، اور ٹرالروں پر جرمانوں میں اضافے کی تجویز معقول ہے۔ شہری انفراسٹرکچر کے تحفظ کے لیے قوانین کی پابندی ضروری ہے۔
یہ بھی پڑھیں: چیف جسٹس یحییٰ آفریدی کی سربراہی میں فل کورٹ اجلاس شروع
زرعی زمینوں کے لیے پانی کی فراہمی
وزیر خزانہ کا کہنا تھا کہ زرعی زمینوں کی ضروریات کے مطابق پانی کی فراہمی فوڈ سیکیورٹی کی ضمانت ہے۔ انہوں نے کہا کہ کروڑوں روپے کمانے والے صنعتکاروں کو بڑھے ٹیکس کے بوجھ کو سمجھنا چاہیے۔ بڑی صنعتیں پانی کی فراہمی کے لئے مناسب قیمت ادا کریں۔
کمیونیکیشن اینڈ ورکس کے صوبائی وزیر کی حمایت
صوبائی وزیر برائے کمیونیکیشن اینڈ ورکس ملک صہیب بھرتھ نے اوور لوڈڈ وہیکلز پر جرمانوں میں اضافے کی حمایت کرتے ہوئے کہا کہ یہ سڑکوں کی تعمیر اور مرمت کے اخراجات میں اضافے کا سبب بن رہی ہیں۔ اجلاس میں رائٹ ٹو نیوٹریشن اینڈ فورڈ سیکیورٹی کو بنیادی انسانی حقوق کا حصہ بنانے کی درخواست بھی منظور کی گئی۔
