ثانیہ مرزا نے مداحوں کو خوشخبری سنا دی
ثانیہ مرزا کی نئی ذمہ داری
ممبئی (ڈیلی پاکستان آن لائن) سابق بھارتی سٹار ٹینس کھلاڑی ثانیہ مرزا نے مداحوں کو خوشخبری سنائی ہے۔
یہ بھی پڑھیں: آئین میں ترمیم وسیع مشاورت سے ہونی چاہئے: حافظ نعیم الرحمان
دبئی سپورٹس کونسل کی جانب سے تقرر
بھارتی میڈیا کے مطابق ثانیہ مرزا کو دبئی سپورٹس کونسل کی جانب سے کھیلوں کا سفیر مقرر کر لیا گیا ہے۔ اس حوالے سے خوشخبری ثانیہ مرزا نے فوٹو اینڈ ویڈیو شیئرنگ ایپ انسٹاگرام پر سنائی۔
سابق ٹینس اسٹار ثانیہ مرزا نے انسٹاگرام پر تصویر کے کیپشن میں لکھا کہ دبئی کے لیے کھیلوں کا سفیر بننا ایک اعزاز ہے۔ اُنہوں نے دبئی سپورٹس کونسل کی جانب سے منعقد کی گئی تقریب کی کچھ تصاویر شیئر کیں۔
یہ بھی پڑھیں: ایران اور مصر کی بےمثال دوستی کا تاریخی تعلق کیسے دیرینہ دشمنی میں بدل گیا؟
شکریہ اور مبارکباد
انہوں نے مزید لکھا کہ یہ ناقابلِ یقین موقع فراہم کرنے کے لیے میں دبئی سپورٹس کونسل کی شکر گزار ہوں۔ سوشل میڈیا پر ثانیہ مرزا کے مداحوں کی جانب سے اُنہیں اس کامیابی پر مبارکبادیں بھی موصول ہو رہی ہیں۔
یہ بھی پڑھیں: دنیا کے سب سے بڑے انسانی پرچم کا ریکارڈ پاکستان کے نام
تقریب کی تفصیلات
یہ پروگرام دبئی کے وژن کے طور پر کھیلوں کی اہمیت کو اجاگر کرنے اور صحت مند طرز زندگی کو فروغ دینے کے لیے منعقد کیا گیا ہے۔ اس تقریب میں کھیلوں کی متعدد شخصیات نے شرکت کی جن میں یو ایف سی چیمپئن خبیب نورماگومیدوف اور سابق بھارتی کرکٹر ہربھجن سنگھ بھی شامل تھے، جنہیں شہر کے لیے کھیلوں کا سفیر بھی نامزد کیا گیا تھا۔
دبئی سپورٹس کونسل کا مقصد
خیال رہے دبئی سپورٹس کونسل سال 2005 میں قائم ہوا جس کا مقصد بطور کھیلوں کے مرکز متحدہ عرب امارات کے دارالحکومت کی ساکھ کو مضبوط کرنا، مقامی اسپورٹس کلبوں کی نگرانی اور مختلف کمیونٹیز میں جسمانی سرگرمیوں کو فروغ دینا ہے۔
