محمد صدیق شیخ نے پنجاب پبلک سروس کمیشن کے ممبر کے طور پر حلف اٹھا لیا

حلف برداری کی تقریب

لاہور (ڈیلی پاکستان آن لائن) پنجاب پبلک سروس کمیشن کے چئیرمین لیفٹیننٹ جنرل(ر)محمد عبدالعزیز نے نئے تعینات ہونے والے ممبر محمد صدیق شیخ سے حلف لیا۔ حلف برداری کی تقریب میں پنجاب پبلک سروس کمیشن کے دیگر ممبران اور افسران بھی موجود تھے۔

یہ بھی پڑھیں: ملک بھر میں گھی اور کوکنگ آئل کی قیمتوں میں 80روپے فی کلو تک اضافہ

نئے رکن کا تعارف

نئے تعینات ہونے والے ممبر محمد صدیق شیخ پاکستان ایڈمنسٹریٹو سروس کے گریڈ 21 کے ریٹائرڈ افسر ہیں۔ ان کی تعیناتی 3 سال کے لیے کی گئی ہے۔ انہوں نے حلف لیا کہ وہ ایمانداری سے اپنے فرائض سر انجام دیں گے اور سرکاری امور کی انجام دہی میں کسی قسم کے دباؤ میں آئے بغیر میرٹ پر بھرتیوں کو یقینی بنائیں گے۔

چیئرمین کی توقعات

اس موقع پر چیئرمین پی پی ایس سی نے کہا کہ نئے ممبر کی تعیناتی سے کمیشن کے ذریعے سرکاری بھرتیوں کا عمل تیز ہوگا اور ان کے تجربے کی روشنی میں امیدواروں کی سہولت کے لئے مزید اقدامات کرنے میں آسانی ہو گی۔