بہترین پلیئنگ الیون تشکیل دینے کیلئے اچھے کھلاڑی تلاش کر رہے ہیں، محمد رضوان کی پریس کانفرنس

محمد رضوان کا بیان

برسبین (ڈیلی پاکستان آن لائن) پاکستان کرکٹ ٹیم کے کپتان محمد رضوان کا کہنا ہے کہ بہترین پلیئنگ الیون تشکیل دینے کیلئے اچھے کھلاڑی تلاش کر رہے ہیں۔

یہ بھی پڑھیں: پاکستان کی سہیل سسٹرز نے کامن ویلتھ پاور لفٹنگ چیمپئن شپ میں گولڈ، سلور اور برانز میڈل جیتے

ٹی20 میچ کے بعد پریس کانفرنس

برسبین میں پہلے ٹی20 میچ میں شکست کے بعد پریس کانفرنس کرتے ہوئے محمد رضوان نے کہا کہ پورا میچ بڑا تیز تھا، میکسویل نے بڑی اچھی بیٹنگ کی، بولرز نے پوری جان لڑائی ہے، ان پر پورا اعتماد ہے۔ اس طرح کے میچ میں کسی چیز کی پیشگوئی نہیں کر سکتے۔

یہ بھی پڑھیں: رانا نوید الحسن کو افغانستان انڈر 19 ٹیم کا بولنگ کوچ مقرر کردیا گیا

ٹیم کی کمزوریاں

محمد رضوان نے کہا کہ ٹیم میں کمزوریاں ہیں، جیتتے ہیں تو بھی اپنی غلطیوں کو دیکھتے ہیں۔ میکسویل کی گیم ہی ایسی ہے چاہے ون ڈے ہو یا ٹی ٹوئنٹی میچ ہو، ان کی بیٹنگ نے میچ میں فرق ڈالا۔ قومی ٹیم کے کپتان نے کہا کہ آسٹریلیا کو کم رنز تک محدود کرنے کے لئے ٹاس جیت کر بولنگ کا فیصلہ کیا۔

میچ کا نتیجہ

واضح رہے کہ آسٹریلیا نے پہلے ٹی20 میچ میں پاکستان کو بآسانی 29 رنوں سے ہرادیا۔ 94 رنز کے ہدف کے تعاقب میں پاکستان ٹیم 9 وکٹوں کے نقصان پر 64 رنز بنا سکی۔ بارش سے متاثرہ میچ میں آسٹریلیا نے پہلے بیٹنگ کرتے ہوئے مقررہ 7 اوورز میں 4 وکٹوں کے نقصان پر 93 رنز بنائے تھے۔