190 ملین پاؤنڈ ریفرنس؛ بشریٰ بی بی کی حاضری سے استثنیٰ کی درخواست منظور، سماعت 18 نومبر تک ملتوی
احتساب عدالت کا فیصلہ
اسلام آباد (ڈیلی پاکستان آن لائن) احتساب عدالت نے 190 ملین پاؤنڈ ریفرنس میں بشریٰ بی بی کی حاضری سے استثنیٰ کی درخواست منظور کر لی اور کیس کی سماعت 18 نومبر تک ملتوی کردی۔
یہ بھی پڑھیں: 167 ملین ڈالر کی لاٹری جیتنے والا شخص چند دنوں بعد جیل جا پہنچا
سماعت کی تفصیلات
نجی ٹی وی چینل جیو نیوز کے مطابق اڈیالہ جیل میں 190 ملین پاؤنڈ ریفرنس کی سماعت ہوئی، بانی پی ٹی آئی کو کمرہ عدالت میں پیش کیا گیا۔ احتساب عدالت کے جج ناصر جاوید رانا نے ریفرنس پر سماعت کی، بشریٰ بی بی کی جانب سے حاضری سے استثنیٰ کی درخواست منظور کر لی گئی۔
یہ بھی پڑھیں: پاکستان بزنس کونسل شارجہ کی طرف سے “ انویسٹ ان شارجہ “ کے لئے پاکستان سے تعلق رکھنے والے سرمایہ کاروں کی گول میز کانفرنس کا اعلان
وکلاء کی شمولیت
وکیل سلمان اکرم راجہ نے کہاکہ اسلام آباد ہائیکورٹ نے حکم دیا تھا کہ پہلے ملزمان کی بریت پر ٹرائل کورٹ فیصلہ کرے۔ احتساب عدالت نے کہاکہ اسلام آباد ہائیکورٹ سے ابھی تک کوئی حکم نامہ موصول نہیں ہوا۔ سلمان اکرم راجہ نے کہاکہ تحریری طور پر کہہ رہے ہیں کہ اسلام آباد ہائیکورٹ کی جانب سے حکم دیا گیا تھا۔ نیب نے کہا کہ جن وکلا نے اسلام آباد ہائیکورٹ میں دلائل دیئے انہی کی جانب سے تحریری طور پر آگاہ کیا جانا چاہئے تھا۔
مستقبل کی سماعت
اگر وکلا تحریری طور پر عدالت کو دے رہے ہیں تو عدالت اس معاملہ کو دیکھ لے۔ عدالت نے 190 ملین پاؤنڈ ریفرنس پر سماعت 18 نومبر تک ملتوی کردی۔
