لاہور، ملتان میں ہیلتھ ایمرجنسی ڈیکلیئر، اگلے جمعہ، ہفتہ اور اتوار مکمل لاک ڈاؤن پر غور

ہیلتھ ایمرجنسی کا اعلان

لاہور (ڈیلی پاکستان آن لائن) سینئر وزیر پنجاب مریم اورنگزیب نے لاہور اور ملتان میں ہیلتھ ایمرجنسی ڈیکلیئر کردی۔ ان کا کہنا تھا کہ لاہور اور ملتان میں اگلے جمعہ، ہفتہ اور اتوار کو مکمل لاک ڈاؤن ہو سکتا ہے، بدھ تک ٹریفک اور اے کیو آئی کی صورتحال دیکھ کر فیصلہ کیا جائے گا۔

یہ بھی پڑھیں: پاکستان اسٹاک ایکسچینج میں کاروباری ہفتے میں مثبت رجحان رہا ، رپورٹ

سموگ کی صورتحال

نجی ٹی وی چینل دنیا نیوز کے مطابق سینئر صوبائی وزیر مریم اورنگزیب نے سموگ کے حوالے سے پریس کانفرنس کرتے ہوئے کہا کہ لاہور سموگ کی لپیٹ میں ہے، دھند کا سیزن بھی شروع ہوگیا ہے، اے کیو آئی لیولز انٹرنیشنل سٹینڈرز کے مطابق خطرناک ہیں۔ اس وقت سموگ ایک نیشنل ڈیزاسٹر ہے جو ہیلتھ کرائسز میں تبدیل ہوچکی ہے۔ انہوں نے کہا کہ وزیراعلیٰ نے مارچ میں ہی سموگ کا 10سالہ منصوبہ بنایا تھا، سموگ پر جوڈیشل کمیشن بھی بنایا ہوا ہے۔

یہ بھی پڑھیں: جنگ میں ایران کا 145 ارب ڈالر تک کا نقصان ہوا، العربیہ کا دعویٰ

اکشن پلانز اور تجاویز

مریم اورنگزیب کا کہنا تھا کہ ہمیں ہر طرف سے تجاویز آرہی ہیں، ڈبلیو ڈبلیو ایف نے بھی وزیراعلیٰ پنجاب کو خط لکھا ہے۔ وزیراعلیٰ پنجاب مریم نواز نے سموگ کی 10سالہ پالیسی لانچ کردی ہے۔ پنجاب میں پہلی بار کسانوں کو 1ہزار سپر سیڈر دیئے ہیں، جو فصلوں کی باقیات کے جلاؤ سے بچنے کے لیے دیئے گئے ہیں۔

یہ بھی پڑھیں: ہمارا دھرنا پرامن ہے، پارلیمنٹ 25 کروڑ عوام کا نمائندہ ہاؤس ہے، کھانا پینا بند کر کے کربلا کا سماں پیدا کیا گیا، اسد قیصر

طویل المدتی حکمت عملی

ان کا مزید کہنا تھا کہ کیمرہ مانیٹرنگ ہم خود دیکھ رہے ہیں، ہم نے 800سے زائد بھٹے مسمار کیے ہیں۔ سموگ والا مسئلہ نہ اگلے ماہ ختم ہوگا نہ اگلے سال، سموگ ایک لانگ ٹرم پراسیس ہے۔

یہ بھی پڑھیں: اکثر ریسٹ ہاؤس میں کئی کئی دن قیام کرتی، نا جانے دفتر والوں کو کیا سُوجھی ڈگریوں کی جانچ پڑتال کرنے لگے، شوکاز نوٹس دیا گیا تو غائب ہوگیا، پھر کبھی نہ پلٹا

جاری اقدامات

صوبائی وزیر نے کہا کہ وزیراعلیٰ پنجاب نے ای وہیکل پالیسی متعارف کرائی ہے، موٹر بائیکس چیک کرنے کا قانون موجود نہیں تھا، ہم نے جرمانے تو کردیتے ہیں لیکن وہیکل سرٹیفکیشن کا انفراسٹرکچر موجود نہیں تھا۔ ٹو ویلر اور تھری ویلر وہیکلز کے لیے سرٹیفکیشن کا پراسیس شروع ہوچکا ہے، جو سیف سٹی سے منسلک ہے۔

یہ بھی پڑھیں: امریکی صدر ڈونلڈ ٹرمپ کا پاکستان کو فلسطین کے مجوزہ بورڈ میں دعوت دینا عظیم کامیابی ہے، حافظ طاہر محمود اشرفی

کثیر دفعہ قانونی کوششیں

مریم اورنگزیب نے کہا کہ ہم نے متعلقہ محکموں کو تین تین ماہ کے ٹارگٹ دیئے ہیں، اور میڈیا پر بھی سموگ کے کنٹرول کے لیے ٹیکنالوجی کو استعمال کرنے کی ضرورت ہے۔

یہ بھی پڑھیں: اندھوں میں کانا راجہ والی بات، میری حماقت نے سب کا بھرم رکھ لیا، کبھی بسیں وقت مقررہ پر منزل پر پہنچا کرتی تھیں، سفر بھی نسبتاً سستا اور آرام دہ ہوتا

حالیہ فضائی کیفیت

انہوں نے کہا کہ پچھلے ایک ہفتے ایبٹ آباد کا اے کیو آئی 290پر رہا ہے، سموگ سے نمٹنے کے لیے دونوں ممالک کو اکٹھا بیٹھنا پڑے گا۔ سموگ کا خاتمہ عوام کی زندگیوں کا معاملہ ہے، اور اس کے خاتمے کے لیے پچھلے 8 ماہ سے عملدرآمد جاری ہے۔

یہ بھی پڑھیں: جنوبی وزیرستان: سیکیورٹی فورسز کا آپریشن، 11 خارجی ہلاک، میجر اور لون نائیک شہید

آخری اقدامات اور تجاویز

مریم اورنگزیب نے لاہور اور ملتان میں ہیلتھ ایمرجنسی ڈکلیئر کرتے ہوئے کہا کہ اس کا نوٹیفکیشن بھی جاری کردیا جائے گا۔ انہوں نے مزید کہا کہ سکولوں کو آن لائن کیا جا رہا ہے، اور سموگ کے خاتمے کا منصوبہ بنایا جا رہا ہے۔

مکمل لاک ڈاؤن کی ممکنہ صورتحال

مریم اورنگزیب نے کہا کہ ریسٹورنٹ کو 4 بجے ڈائن ان کی اجازت ہوگی، جبکہ 8 بجے تک ٹیک اوے جاری رہے گا۔ لاہور اور ملتان میں اگلے جمعہ، ہفتہ اور اتوار کو مکمل لاک ڈاؤن ہو سکتا ہے۔ واضح رہے کہ پنجاب سمیت ملک کے مختلف شہروں میں سموگ کا راج برقرار ہے، اور لاہور آج پھر دنیا کے آلودہ ترین شہروں میں شامل ہے۔