180 یوم میں 10 ہزار مریضوں کو فری میڈیسن کی فراہمی کا ریکارڈ قائم

پنجاب کے عوام کے لیے فری میڈیسن کی فراہمی

لاہور (ڈیلی پاکستان آن لائن) وزیراعلیٰ پنجاب مریم نواز کے ویژن کے مطابق عوام کا حق ان کی دہلیز پر پہنچانے کے لیے تاریخ میں پہلی مرتبہ 180 یوم میں 10 ہزار مریضوں کو فری میڈیسن کی فراہمی ایک ریکارڈ ہے۔ وزیر اعلیٰ مریم نواز کے فری میڈیسن ہوم ڈیلیوری پراجیکٹ کے تحت ہیپاٹائٹس اور ٹی بی کے مریضوں کو گھر بیٹھے ادویات کی فراہمی جاری ہے۔

یہ بھی پڑھیں: سونے کی فی تولہ قیمت میں 2600 روپے کی کمی

پراجیکٹ کی کامیابی

پنجاب بھر میں 10 ہزار سے زائد مریضوں کو میڈیسن کی فری ہوم ڈیلیوری کی جا چکی ہے۔ محکمہ صحت کے اعدادوشمار کے مطابق ہیپاٹائٹس کے 5700 سے زائد مریضوں کو فری میڈیسن فراہم کی گئیں جبکہ ٹی بی کے 4200 سے زائد مریضوں کو گھر بیٹھے ادویات موصول ہوئیں۔ مئی کے پہلے ہفتے شروع ہونے والا فری میڈیسن پراجیکٹ کامیابی سے جاری ہے۔

وزیراعلیٰ کی رائے

وزیراعلیٰ مریم نواز نے کہاکہ میڈیسن فری ہوم ڈیلیوری سے مریضوں کو ہسپتال آنے جانے کی صعوبت سے نجات مل گئی ہے۔ میڈیسن ہوم ڈیلیوری سے ہسپتالوں میں بھی رش میں کمی آرہی ہے۔ عوام کی خدمت مسلم لیگ (ن) کا منشور ہے۔