میٹرو بس سے اترتے ہوئے ٹائر کے نیچے آکر بچہ جاں بحق
بچے کی موت کا واقعہ
راولپنڈی (ڈیلی پاکستان آن لائن) میٹرو بس سے اترتے ہوئے ٹائر کے نیچے آکر بچے کے جاں بحق ہونے کا مقدمہ درج کر لیا گیا، تھانہ وارث خان پولیس نے بچے کی والدہ کی مدعیت میں مقدمہ درج کر لیا۔
یہ بھی پڑھیں: بشارالاسد کو سیاسی پناہ مل گئی لیکن کس ملک میں؟ بڑی خبر آگئی
مقدمے کی تفصیلات
ایف آئی آر کے مطابق ریحان نتھیا گلی کا رہائشی، والدہ کے ساتھ راولپنڈی نانی کے گھر آیا ہوا تھا، لیاقت باغ پر میٹرو بس سے اترتے ہوئے بچہ گیٹ کے ساتھ گیپ میں پھنس گیا۔
یہ بھی پڑھیں: بلدیہ عظمیٰ کراچی میں کرپشن کا بڑا اسکینڈل سامنے آگیا
حادثے کی وجوہات
ڈرائیور نے اسٹیشن کا دروازہ بند ہونے سے قبل ہی بس چلا دی۔ بچہ میٹرو بس ٹریک پر گر کر ٹائر کے نیچے آگیا، بچے کے پھنسنے پر شور شرابا کیا لیکن کسی نے نہیں سنی اور ڈرائیور نے بس چلا دی۔
غفلت کی نشاندہی
ایف آئی آر میں کہا گیا کہ بچے کی موت بس ڈرائیور اور میٹرو بس انتظامیہ کی غفلت سے ہوئی۔
