بچوں کے جنسی استحصال میں ملوث ملزم لاہور سےگرفتار
ایف آئی اے کی کارروائی
لاہور (ڈیلی پاکستان آن لائن) ایف آئی اے سائبر کرائم سرکل لاہور نے بچوں کے جنسی استحصال میں ملوث ملزم کو گرفتار کرلیا۔ یہ اقدام یکم نومبر کو پاکستان کے انٹرنیشنل ڈیٹا بیس کے ساتھ منسلک ہونے کے بعد کیا گیا ہے۔ ملزم کی شناخت عاصم بٹ کے نام سے ہوئی ہے، جو کہ کامی روڈ لاہور سے گرفتار کیا گیا۔
یہ بھی پڑھیں: سفیر پاکستان فیصل نیاز ترمذی کا نارتھ لندن کالجیٹ سکول دبئی ماڈل اقوام متحدہ (NLCSDMUN) کانفرنس کی افتتاحی تقریب سے خطاب
ملزم کی گرفتاری کی تفصیلات
متاثرہ کم سن بچی ملزم کے گھر ملازمہ کی بیٹی ہے۔ ملزم کے موبائل فون سے قابل اعتراض مواد بھی برآمد کیا گیا، اور ملزم سے تفتیش کا سلسلہ جاری ہے۔
یہ بھی پڑھیں: کراچی : موبائل فون شاپ پر ڈکیتی، 4 ملزمان لاکھوں مالیت کے فونز لے گئے
اوکاڑہ پولیس کی کارروائی
دریں اثنا، اوکاڑہ میں جعلی پیر نے بچوں کے لیے تعویز لینے کے لیے آنے والی خاتون کا مبینہ طور پر ریپ کردیا۔ ڈی پی او اوکاڑہ کے نوٹس کے بعد پولیس نے خاتون کی مدعیت میں مقدمہ درج کرکے جعلی پیر کو گرفتار کرلیا۔
متاثرہ خاتون کی شکایت
ایف آئی آر کے مطابق متاثرہ خاتون اپنے بچوں کی تعویذ کے لیے جعلی پیر کے پاس گئی تھی، جہاں ملزم نے خاتون کو خنجر کی نوک پر ریپ کا نشانہ بنایا۔
