حکومت کی مشکلات میں اضافہ، کسان اتحاد نے بھی سڑکوں پر آنے کا اعلان کردیا

پاکستان کسان اتحاد کا زرعی ٹیکس کے خلاف احتجاج کا اعلان

ملتان (ڈیلی پاکستان آن لائن) پاکستان کسان اتحاد نے زرعی ٹیکس کے خلاف ملک بھر میں احتجاج کا اعلان کردیا۔

کسان اتحاد کے صدر کی گفتگو

میڈیا سے گفتگو کرتے ہوئے کسان اتحاد کے صدر خالد محمود کھوکھر نے کہا کہ دسمبر میں ملک بھر کی تمام کسان تنظیمیں احتجاج کریں گی مگر ہمارا احتجاج کسی سیاسی پارٹی کے احتجاج کا حصہ نہیں ہوگا۔

زراعت کی اہمیت

انہوں نے مزید کہا کہ ملک میں زراعت معیشت میں بہتری کا واحد ذریعہ ہے، لیکن بدقسمتی سے حکمرانوں کی ترجیحات میں زراعت نہیں ہے۔ خالد محمود کھوکھر کا کہنا تھا کہ رواں برس گندم کی کاشت 30 فی صد تک کم ہونے جا رہی ہے، جبکہ گزشتہ سال گندم کی قیمت نہ ملنے پر زراعت کی گروتھ مائنس پر گئی۔