پنجاب کو سیاحتی ہب بنارہے ہیں ، انویسٹرز کو ویلکم کریں گے: وزیر اعلیٰ مریم نواز کی سپین کی سینیٹ کے وفد سے ملاقات میں گفتگو

ملاقات کی تفصیل

لاہور (ڈیلی پاکستان آن لائن) وزیر اعلیٰ پنجاب مریم نواز سے سپین کی سینیٹ کے وفد نے ملاقات کی۔ وزیر اعلیٰ نے سپین کی سینیٹ کے وفد کا پرتپاک خیر مقدم کیا۔ اس ملاقات میں دو طرفہ تعلقات، تجارت، اور سیاحت کے مزید فروغ پر تبادلہ خیال کیا گیا۔

یہ بھی پڑھیں: پی ٹی آئی رہنما زرتاج گل کا نام پاسپورٹ کنٹرول لسٹ سے خارج

معاشی تعاون اور دیگر موضوعات

اس موقع پر معاشی تعاون، کلائمیٹ چینج، ڈیزاسٹر رسک مینجمنٹ، اور ماحولیاتی آلودگی پر اشتراک کار بڑھانے پر اتفاق کیا گیا۔

یہ بھی پڑھیں: 26ویں ’’آئینی ترمیم‘‘ کی ممکنہ بنیادی وجہ سینئر صحافی مظہر عباس منظرعام پر لے آئے

فلڈ نقصانات پر افسوس

وزیر اعلیٰ مریم نواز نے سپین کے شہر ویلنسیا میں سیلاب سے ہونے والے جانی و مالی نقصانات پر افسوس کا اظہار کیا اور تعاون کی پیش کش کی۔ انہوں نے سپین کی جانب سے پاکستان میں فلڈ رسپانس پلان کے تحت ریلیف پیکج کو سراہا۔ ملاقات کے دوران ہسپانیہ کے شہر قرطبہ میں علامہ اقبال سے منسوب سٹریٹ کا بھی ذکر کیا گیا۔

یہ بھی پڑھیں: توصل خانہ ٹو کیس: بشریٰ بی بی کی ضمانت درخواست پر نوٹس کا اجراء، تحریری حکم نامہ

تجارتی تعلقات کی اہمیت

وزیر اعلیٰ نے وفد سے گفتگو کرتے ہوئے کہا کہ سپین یورپی یونین میں پاکستان کا دوسرا بڑا ایکسپورٹ پارٹنر ہے، باہمی تجارت کے بے شمار مواقع موجود ہیں۔ جی ایس پی پلس سٹیٹس کے حصول کیلئے سپین کی حمایت کو دل سے سراہتے ہیں۔

یہ بھی پڑھیں: پاکستان میں لڑکے لاڈ پیار کی وجہ سے کام نہیں کرتے، انکی ٹریننگ ہونی چاہئے: اسما عباس

مستقبل کے امکانات

وزیر اعلیٰ نے مزید کہا کہ سیلاب کے نقصانات سے بچاؤ کے لئے ارلی وارننگ سسٹم اور ریسکیو سروسز پر مل کر کام کرنا چاہتے ہیں اور پارلیمانی ڈپلومیسی کو مزید فروغ دینا چاہتے ہیں۔ پنجاب کو سیاحتی ہب بنانے کے لئے سپین کے انویسٹرز کو ویلکم کریں گے۔

یہ بھی پڑھیں: پاکستان میں ایشیا ءمیں سب سے زیادہ کینسر کی شرح ہے:این ایف ای ایچ کے تحت چھاتی کے سرطان پر آگاہی سیمینار

خصوصی پیکیجز اور خواتین کے حقوق

وزیر اعلیٰ مریم نواز نے کہا کہ غیر ملکی سرمایہ کاروں کے لئے خصوصی پیکیج مرتب کیا جا رہا ہے اور وویمن ایمپاورمنٹ پر خصوصی فوکس کر رہے ہیں۔ خواتین ارکان اسمبلی کی تعداد پہلے سے بڑھ چکی ہے۔

وفد کی تعریف

سپین کے پارلیمانی وفد نے کہا کہ وزارت اعلیٰ کے منصب پر خاتون کا ہونا نہایت خوش آئند ہے۔ وزیر اعلیٰ مریم نواز خوش اسلوبی سے صوبے کے معاملات کو سرانجام دے رہی ہیں۔