برطانوی عدالت کی جانب سے حسن نواز کی کمپنی کو دیوالیہ قرار دینے پر ترجمان نواز شریف خاندان کا رد عمل

حسن نواز کی کمپنی کا دیوالیہ پن

لندن (ڈیلی پاکستان آن لائن) ترجمان نوازشریف خاندان نے برطانوی عدالت سے حسن نواز کی کمپنی کو دیوالیہ قرار دینے پر رد عمل جاری کرتے ہوئے کہا ہے کہ دیوالیہ کرنے کے عمل کا آغاز 172 سے ہوا تھا، پہلی مرتبہ ذوالفقار علی بھٹو کے زمانے میں صنعتوں کو نیشنلائز کیا گیا۔

یہ بھی پڑھیں: پارا چنار میں حکومت کے ہیلی کاپٹر پر فائرنگ

نیشنلائزیشن اور شریف خاندان

ترجمان کی جانب سے جاری کردہ بیان میں کہا گیا ہے کہ اس وقت کی نیشنلائزیشن میں شریف خاندان بھی شامل تھا۔ اس کے بعد جنرل پرویز مشرف نے یہی کام کیا، ظلم کی انتہا کی گئی، ذاتی گھروں پر قبضہ اور فیکٹریاں سیل کردی گئیں۔ اس کے بعد ثاقب نثار اینڈ کمپنی نے اپنے دور میں یہ ظلم دہرایا، جس کے نتیجے میں شریف خاندان کی انڈسٹری کو تباہ و برباد کیا گیا۔

یہ بھی پڑھیں: پاکستان سٹاک ایکسچینج میں نیا ریکارڈ قائم ،100انڈیکس 1لاکھ 10ہزار پوائنٹس عبور کرگیا

شریف خاندان کے کاروباری چیلنجز

ترجمان نے مزید کہا کہ شریف خاندان کو سزا دینے کے لیے خاندان کے کاروبار کو 4 بار دیوالیہ کرایا جا چکا ہے۔ شریف خاندان کے لیے یکے بعد دیگرے آنے والے ایسے اتار چڑھاؤ نئی بات نہیں۔

ملک و قوم کی خاطر قربانیاں

ترجمان کا کہنا تھا کہ ملک و قوم اور اصولوں کی خاطر شریف خاندان نے برسوں کی محنت سے چلنے والے نجی کاروبار کے نقصانات اور ذاتی دکھ برداشت کیے۔ کمپنیوں کے دیوالیہ ہونے کے عرصے کے دوران ٹیکس نہیں دیا جاتا، اور برطانوی عدالت نے حسن نواز کے اسی موقف کو درست قرار دیا ہے۔