سینئر صوبائی وزیر مریم اورنگزیب نے پنجاب بھر میں اینٹی سموگ گرینڈ آپریشن کی اہم تفصیلات شیئر کر دیں

لاہور میں سموگ کے خلاف گرینڈ آپریشن

لاہور (ڈیلی پاکستان آن لائن) پنجاب کی سینئر صوبائی وزیر مریم اورنگزیب نے کہا ہے کہ سموگ میں کمی کے باوجود لاہور سمیت پورے پنجاب میں اینٹی سموگ گرینڈ آپریشن پوری شدت سے جاری ہے۔ گزشتہ 4 دن کے دوران پنجاب بھر میں آلودگی پھیلانے والے درجنوں بھٹے اور صنعتی یونٹس مسمار کیے گئے ہیں۔

یہ بھی پڑھیں: آئی سی سی کی پلیئرز رینکنگ جاری، پاکستان کے اسپنر نعمان علی 2 درجہ بہتری کے بعد تیسری پوزیشن پر آگئے

بھٹوں اور صنعتی یونٹس کی مسماری

سینئر صوبائی وزیر نے اہم تفصیلات شیئر کیں جن کے مطابق 15 نومبر کو 17 جبکہ 16 اور 17 نومبر کو زگ زیگ ٹیکنالوجی کے بغیر چلنے والے مزید 17 بھٹے گرائے گئے۔ خانیوال، ملتان، رحیم یار خان، وہاڑی، سرگودھا، جھنگ، لیہ، بہاولنگر اور پاک پتن میں زگ زیگ ٹیکنالوجی کے بغیر چلنے والے بھٹوں کو گرایا گیا۔ سب سے زیادہ، 14 بھٹے ملتان، اور 8 بھٹے لیہ میں گرائے گئے۔

یہ بھی پڑھیں: بانی پی ٹی آئی عمران خان کی آنکھ کی تکلیف میں نمایاں کمی آئی ہے، نجی نیوز چینل کا دعویٰ

صنعتی یونٹس کے خلاف کارروائی

15 نومبر کو لاہور اور گوجرانوالہ میں 20 صنعتی یونٹس آلودگی پھیلانے پر مسمار کیے گئے۔ 16 اور 17 نومبر کو 16 صنعتی یونٹس گرائے گئے، لاہور، فیصل آباد، گوجرانوالہ، قصور میں کارروائیاں کی گئیں۔ آلودگی پھیلانے پر 51 صنعتی یونٹس کو سربمہر کردیا گیا، فیروز والا میں سٹیل مل بھی سیل کردی گئی۔

یہ بھی پڑھیں: موسم سرما کی آمد: پنجاب بھر کی ماتحت عدالتوں کے اوقات کار تبدیل

اجلاس کی تفصیلات

سینئر صوبائی وزیر مریم اورنگزیب نے بتایا کہ لاہور میں آلودگی پھیلانے والے یونٹس کے خلاف بڑی کاروائی کی گئی، 30 سیل، 5 صنعتی یونٹس گرائے گئے جبکہ 4 لاکھ جرمانہ عائد کیا گیا۔ احتیاطی تدابیر پر عمل درآمد نہ کرنے والے یونٹس پر بھی چھاپے مارے گئے۔ لاہور کے اینٹری پوائنٹس اور سگیاں پل سمیت مختلف شاہراہوں پر گاڑیوں کی پڑتال کا عمل جاری ہے۔

عوام کی حفاظت کا عزم

پنجاب کی سینئر صوبائی وزیر مریم اورنگزیب نے ای پی اے، ایڈمنسٹریشن، پولیس، ڈی سی، اور کمشنر کو شاباش دی اور ہدایت کی کہ عوام انتظامیہ، اداروں کے ہر افسر اور عملے کا ہر رُکن کو خراج تحسین پیش کریں۔ پوری ٹیم دن رات کام کررہی ہے۔ عوام کی جان کا تحفظ اولین ترجیح رہے گی، سب مل کر کوشش کریں گے تو سموگ سے نجات ہوگی۔