بھکاری بھیجنے میں تو اب ہم انٹرنیشنل ہو چکے ہیں، کتنی شرم کی بات ہے،جسٹس امین الدین

اسلام آباد میں لاپتہ بچوں کا معاملہ

اسلام آباد (ڈیلی پاکستان آن لائن) ملک بھر سے لاپتہ بچوں کے حوالے سے دائر درخواست پر آئینی بنچ کے سربراہ جسٹس امین الدین نے ریمارکس دیے کہ بھکاری بھیجنے میں تو اب ہم انٹرنیشنل ہو چکے ہیں، بیرون ملک بھکاریوں کا جانا کتنی شرم کی بات ہے۔

یہ بھی پڑھیں: ڈکیتی کے دوران 2 خواتین سے اجتماعی زیادتی

سماعت کی تفصیلات

نجی ٹی وی چینل جیو نیوز کے مطابق، آئینی بنچ میں ملک بھر سے لاپتہ بچوں کے حوالے سے دائر درخواست پر سماعت ہوئی۔ جسٹس امین الدین خان کی سربراہی میں 6 رکنی لارجر بنچ نے سماعت کی۔

یہ بھی پڑھیں: دبئی میں مقیم کاروباری شخصیت رضوان شیخانی کے بیٹے مجتبیٰ شیخانی کی ڈاکٹر حفشہ مرچنٹ کے ساتھ سری لنکا میں شادی

قانونی ماہرین کے خدشات

جسٹس جمال مندوخیل نے کہا کہ کوئٹہ میں 6 دن سے اغوا بچہ نہیں مل رہا، احتجاج سے پورا شہر جام ہو چکا ہے لیکن حکومت کو پرواہ نہیں۔ کوئٹہ میں سکول کے بچوں نے بھی جلوس نکالا ہے۔ جسٹس محمد علی مظہر نے سوال کیا کہ کیا کسی صوبے میں کوئی ادارہ یا کمیشن ہے جو مغوی بچوں پر کام کر رہا ہو؟

یہ بھی پڑھیں: ایرانی بحریہ کا جنگی جہاز سمندر میں تباہ، 80 افراد ہلاک، 32 اہلکاروں کو بچا لیا گیا

حکومتی بے عملی

جسٹس جمال مندوخیل نے مزید کہا کہ ایک بچے کے اغوا پر پورا شہر بند ہو جاتا ہے، حکومت کو فکر نہیں۔ حکومت بلوچستان ایک بچہ بازیاب نہیں کر پا رہی۔ جسٹس مسرت ہلالی نے واضح کیا کہ بچوں کا اغوا ایک اہم مسئلہ ہے، جس پر سرکاری وکلا کی تیاری نہیں۔

یہ بھی پڑھیں: خیرپور:اسلحہ سمگلروں کے بین الصوبائی گروہ کا سرغنہ گرفتار

پرانی تاریخ اور موجودہ صورتحال

جسٹس جمال نے کہا کہ کیس 2018 سے چل رہا ہے لیکن بچے اب بھی اغوا ہو رہے ہیں۔ ہر دوسرا کیس بچوں کے اغوا کا آتا ہے۔ سپریم کورٹ نے بچوں کے اغوا پر کمیٹی بنائی جو کہ آج تک کام نہیں کر سکی۔

یہ بھی پڑھیں: جیل کے اندر بانی پی ٹی آئی کی مختلف بیماریوں کا علاج ہوتا رہا ہے، وزیر مملکت بیرسٹر عقیل ملک

عدالت کا سخت موقف

درخواست گزار نے کہا کہ سپریم کورٹ کی کمیٹی آج تک بنی ہی نہیں۔ ایڈیشنل ایڈووکیٹ جنرل نے عدالت میں بچوں کے اغوا پر رپورٹ جمع کرانے کی پیشکش کی۔ جسٹس محمد علی مظہر نے کہا کہ ہمیں رپورٹ نہیں چاہیے، بچوں کے اغوا کا تدارک چاہئے۔

یہ بھی پڑھیں: گلوبل مارچ ٹو غزہ : مصر میں نیلسن منڈیلا کے نواسے کا پاسپورٹ ضبط

تفتیش کی ضرورت

جسٹس جمال نے پوچھا کہ ملک میں ہو کیا رہا ہے؟ بنچ سربراہ نے کہا کہ تمام آئی جیز کو طلب کیا جائے۔ جسٹس مسرت ہلالی نے کہا کہ خیبرپختونخوا کی رپورٹ میں ہر چیز پر دھول جھونکی گئی ہے۔

بھیک مانگنے کا مسئلہ

جسٹس حسن اظہر نے کہا کہ کراچی میں بچے ٹریفک سگنلز پر بھیک مانگتے ہیں۔ جسٹس امین الدین نے مزید کہا کہ بھکاری بھیجنے میں ہم اب بین الاقوامی سطح پر پہنچ چکے ہیں، بیرون ملک بھکاریوں کا جانا کتنی شرم کی بات ہے۔