توہین الیکشن کمیشن کیس: عمران خان کو آئندہ سماعت پر حاضری یقینی بنانے کا حکم

عمران خان کی حاضری کا حکم

اسلام آباد (ڈیلی پاکستان آن لائن) الیکشن کمیشن نے بانی پی ٹی آئی عمران خان کو توہین الیکشن کمیشن کیس میں آئندہ سماعت پر حاضری یقینی بنانے کا حکم دے دیا۔

یہ بھی پڑھیں: پرویز مشرف نے وزیراعظم کو برطرف کرنے کا اقدام کیا تو چیف جسٹس نے فُل کورٹ کے ہمراہ کیس کی سماعت کی اور اس تبدیلی کو کامیاب انقلاب تسلیم کر لیا

سماعت کی تفصیلات

نجی ٹی وی چینل دنیا نیوز کے مطابق، الیکشن کمیشن آف پاکستان میں عمران خان کے خلاف توہین الیکشن کمیشن و الیکشن کمشنر کیس کی سماعت ہوئی۔ اس سماعت کی سربراہی ممبر سندھ نثار درانی نے کی۔

یہ بھی پڑھیں: فیض حمید کے خلاف چارج شیٹ آئندہ آنے والوں کے لیے عبرت ہوگی، مصطفی کمال کا بیان

وکیل کا بیان

دوران سماعت، الیکشن کمیشن کے ممبر خیبرپختونخوا نے کہا کہ عمران خان کی تو کل ضمانت ہوگئی تھی۔ اس پر ان کے وکیل فیصل چودھری نے بتایا کہ انھیں کسی اور کیس میں گرفتار کرلیا گیا ہے۔ تاہم، شواہد ریکارڈ کرنے کے لیے ملزم کی حاضری ضروری ہوتی ہے۔

یہ بھی پڑھیں: بھارت کے سپر سٹار رجنی کانت کی بیٹی کو طلاق ہو گئی

ویڈیو لنک کا انتظام

حکام نے دوران سماعت یہ بھی بتایا کہ بانی پی ٹی آئی کی ویڈیولنک کے ذریعے حاضری کا بندوبست کردیا جائے گا۔ اس پر الیکشن کمیشن نے ہدایت کی کہ آئندہ سماعت پر عمران خان کی ویڈیو لنک سے حاضری یقینی بنائی جائے۔

سماعت کی اگلی تاریخ

ممبر سندھ نثار درانی نے کہا کہ الیکشن کمیشن آئندہ سماعت پر شواہد و گواہوں کے بیانات ریکارڈ کرے گا۔ بعد ازاں کمیشن نے کیس کی مزید سماعت 17 دسمبر تک ملتوی کردی۔