پی ٹی آئی نے “الجہاد” کے نعرے لگاکر ثابت کیا یہ ٹی ٹی پی کا سیاسی ونگ ہے: عظمیٰ بخاری

عظمیٰ بخاری کی پریس کانفرنس

لاہور (ڈیلی پاکستان آن لائن) وزیراطلاعات پنجاب عظمیٰ بخاری نے کہا ہے کہ ریاست کے خلاف "الجہاد الجہاد" کے نعرے لگاکر پی ٹی آئی نے ثابت کیا کہ یہ ٹی ٹی پی کا سیاسی ونگ ہے۔

یہ بھی پڑھیں: عمران خان کسی ڈیل کے چکر میں نہیں ہیں ، حامد میر

جہادی سکواڈ کا قیام

ٹی ٹی پی کے سیاسی ونگ نے "جہادی سکواڈ" بھی قائم کردیا ہے۔ فتنہ پارٹی نے جہادی سکواڈ کو مسلح کیا ہے، یہ سکواڈ اسلحہ، شیلنگ، غلیلوں، کانچ اور ربڑ کی گولیوں سے لیس ہوگا۔

یہ بھی پڑھیں: ایران کے نئے سیکیورٹی سربراہ محمد باقر ذوالقدر کون ہیں، علی لاریجانی کے بعد ذمہ داری کیوں سونپی گئی؟

9 مئی کے واقعات

9 مئی کا ماسٹر مائنڈ فیڈریشن کے خلاف ایک صوبے کے وزیراعلیٰ کو مسلسل مہرے کی طرح استعمال کررہا ہے۔ فتنہ پارٹی کے 90 فیصد لوگ 24 نومبر کے احتجاج کے مخالف ہیں۔

یہ بھی پڑھیں: صاحب کے ساتھ ڈیوٹی کرتے دو تین ماہ ہو ئے، سوچا ڈیرے پر رہنا مشکل ہو گا، خدشہ دل میں لئے پنڈی روانہ ہوئے، اگلے پانچ سال کمرہ میرا ٹھکانہ ٹھہرا۔

بشریٰ بی بی کے رویئے پر تنقید

عظمیٰ بخاری نے مزید کہا کہ بشری بی بی کے آمرانہ اور تحقیر آمیز رویئے سے انکے ارکان اسمبلی میں پھوٹ پڑ چکی ہے۔ علیمہ خان اور شیر افضل مروت نے بھی بشریٰ بی بی کی پارٹی پر قبضے کی کھل کر مخالفت کی ہے۔

یہ بھی پڑھیں: آسٹریلیا نے سٹوڈنٹ ویزا کے لیے بھارت کو ’ہائیسٹ رسک کیٹیگری‘ میں شامل کر کے ویزا جانچ پڑتال مزید سخت کردی

پنجاب کے ارکان اسمبلی کا ردعمل

انکے پنجاب کے ارکان اسمبلی کافی سمجھدار ہیں اور انہوں نے بشریٰ کی لیڈرشپ کو تسلیم کرنے سے انکار کردیا ہے۔ اڈیالہ جیل کا قیدی کے پی کے نوجوان کو فیڈریشن کے خلاف مسلسل اکسا رہا ہے۔

یہ بھی پڑھیں: صدر مسلم لیگ ن میاں نواز شریف مری پہنچ گئے

نوجوانوں کی تربیت پر خدشات

جن بچوں کے ہاتھ میں لیپ ٹاپ، فری کتابیں، مفت ادویات، بائیکس اور جدید سکلز ہونی چاہئیں، فساد گروپ ان کو غلیلیں، پیٹرول بمب اور ڈنڈے دے کر ریاست کے خلاف مسلح کر رہا ہے۔

ریاست کی طاقت کا احساس

ریاست کو کمزور مت سمجھیں، ہمیں جتھوں اور بلوائیوں کا علاج کرنا بڑے اچھے سے آتا ہے۔