خیبر پختونخوا پولیس کو سیاسی نمائندوں کے ساتھ جلسوں میں شرکت نہ کرنے کا حکم

پشاور میں اہم فیصلہ

پشاور (ڈیلی پاکستان آن لائن) خیبرپختونخوا پولیس کے اہلکاروں پر جلسے جلوسوں میں سیاسی نمائندوں کے ساتھ بطور سیکیورٹی اہلکار شرکت پر پابندی عائد کردی گئی۔

یہ بھی پڑھیں: افواج پاکستان نے دشمن کے ہر طرف سے پرخچے اڑا دیے، عطا تارڑ

چیف سیکرٹری کا حکم

ایکسپریس نیوز کے مطابق، چیف سیکرٹری کے پی نے ملازمین کو سرکاری وسائل استعمال نہ کرنے کا حکم جاری کردیا ہے۔ سرکاری ملازمین کو قانون اور آئین کے مطابق فرائض کی انجام دہی کی بھی ہدایت جاری کردی گئی ہے۔

یہ بھی پڑھیں: بھارت میں اسرائیلی سفیر کی پریانکا گاندھی کے بیان پر تنقید، مودی سرکار خاموش، بین الاقوامی امور کے ماہر پروفیسر اشوک سوین نے سوال اٹھا دیا

عوام کی حفاظت کی اہمیت

چیف سیکرٹری کے پی نے آئی جی خیبر پختونخوا سمیت تمام صوبائی اداروں اور انتظامیہ سربراہان کو مراسلہ لکھ دیا جس میں کہا ہے کہ عوام کو بلا خوف و خطر تحفظ فراہم کرنا ہمارا فرض ہے۔ ہم قانون اور آئین کے تحت قوم کے خادم ہیں، ہمیں قانون اور آئین پر سختی سے عملدرآمد یقینی بنانا ہوگا۔

یہ بھی پڑھیں: گرمی سے ستائے پاکستانیوں کیلئے خوشخبری آ گئی

غیر جانبداری کی ضرورت

مراسلے میں کہا گیا ہے کہ تمام ملازمین سیاسی ہمدردی سے بالاتر ہوکر غیر جانب داری سے فرائض ادا کریں۔ سیاسی دباؤ کو نظرانداز کرتے ہوئے قانون کی پاسداری کو یقینی بنائیں۔ ہمارا الائنس ریاست اور آئین کے ساتھ ہے کسی سیاسی جماعت سے نہیں۔

سرکاری وسائل کی ذمہ داری

سرکاری وسائل اور اختیارات کا ناجائز استعمال کسی صورت نہ کیا جائے۔ بطور پبلک سرونٹ آئین، قانون اور عوام کے اعتماد پر پورا اترنے کےلئے اقدامات کریں۔