توشہ خانہ 2 کیس، عمران خان کی رہائی کا حکمنامہ جاری

عمران خان کی رہائی کا حکمنامہ

اسلام آباد(ڈیلی پاکستان آن لائن ) توشہ خانہ 2 کیس میں عمران خان کی رہائی کا حکمنامہ جاری کر دیا گیا لیکن بانی پی ٹی آئی کی رہائی ممکن نہیں ہو سکی کیونکہ انہیں ایک اور کیس میں گرفتار کر لیا گیا ہے جبکہ سیل کو تھانہ ڈکلیئر کرتے ہوئے پولیس اہلکار بھی تعینات کر دیئے گئے ہیں۔

یہ بھی پڑھیں: کرغز صدر کے اعزاز میں وزیراعظم ہاؤس میں استقبالیہ تقریب، گارڈ آف آنر پیش

سپیشل جج کا فیصلہ

تفصیلات کے مطابق سپیشل جج سینٹرل شاہ رخ ارجمند نے عمران خان کی رہائی کا حکمنامہ جاری کیا۔ حکمنامے میں کہا گیا ہے کہ بانی پی ٹی آئی کی ضمانت ہائیکورٹ سے منظور ہو چکی ہے، اگر عمران خان کسی دیگر مقدمے میں مطلوب نہیں ہیں تو انہیں رہائی دی جائے۔ عمران خان کے 10 لاکھ روپے کے مچلکے طارق نون اور راجا غلام سجاد نے دیئے۔

یہ بھی پڑھیں: ایئرسیال نے اپنے بیڑے میں ایک اور Airbus A320 طیارہ شامل کرنے کا معاہدہ کر لیا

تازہ ترین صورتحال

یاد رہے کہ دو روز قبل اسلام آباد ہائیکورٹ نے توشہ خانہ ٹو کیس میں عمران خان کی ضمانت منظور کرتے ہوئے رہا کرنے کا حکم جاری کیا تھا، تاہم گزشتہ شب عمران خان کی راولپنڈی میں پی ٹی آئی احتجاج پر درج مقدمے میں گرفتار ی ڈال دی گئی ہے۔

سیل میں پولیس کی تعیناتی

عمران خان کے جیل میں سیل کو تھانہ ڈکلیئر کرتے ہوئے پولیس اہلکار تعینات کر دیئے گئے ہیں جبکہ عدالت نے عمران خان کا ریمانڈ بھی منظور کر لیا تھا۔