کرم ایجنسی میں بے گناہ عوام پر دہشت گردانہ حملے کی شدید مذمت کرتے ہیں: قونصل جنرل ایران مہران موحدفر

ایرانی قونصل جنرل کی دہشت گردی کی مذمت

لاہور (ڈیلی پاکستان آن لائن) لاہور میں اسلامی جمہوریہ ایران کے قونصل جنرل مہران موحدفر نے کرم ایجنسی میں دہشت گردی کی حالیہ وحشیانہ کارروائی کی مذمت کی ہے۔

یہ بھی پڑھیں: بشریٰ بی بی سیاست میں قدم رکھیں گی؟ عمران خان کا اہلیہ سے متعلق بیان سامنے آگیا

پاکستان کے ساتھ یکجہتی کا پیغام

اسلامی جمہوریہ ایران کے قونصل جنرل مہران موحدفر نے اپنے خصوصی پیغام میں کہا ہے کہ ہم پاکستان کے صوبہ خیبرپختونخوا کے بے گناہ عوام پر دہشت گردانہ حملے کی شدید مذمت کرتے ہیں۔ ہم متاثرین، سوگوار خاندانوں اور زخمیوں کے لیے دعا گو ہیں۔ میری حکومت اور اسلامی جمہوریہ ایران کے عوام دکھ کی اس گھڑی میں حکومت پاکستان اور اپنے پاکستانی بھائیوں کے ساتھ یکجہتی کے ساتھ کھڑے ہیں۔

ایران کا عزم اور حمایت

ایران کے قونصل جنرل مہران موحدفر نے اپنے تعزیتی پیغام میں مزید کہا کہ جیسا کہ اسلامی جمہوریہ ایران کے صدر نے اپنے پیغام میں کہا ہے کہ دہشت گردی کی ہر شکل میں مذمت کی جاتی ہے اور اسلامی جمہوریہ ایران ماضی کی طرح پاکستان کے دوست اور برادر ملک کے ساتھ کھڑا رہے گا اور دہشتگردی کے خلاف جنگ کو سنجیدگی سے جاری رکھے گا۔