مسرت جمشید چیمہ کی موبائل فون سپرداری کی درخواست منظور

انسداد دہشتگردی عدالت کی فیصلہ

اسلام آباد(ڈیلی پاکستان آن لائن)انسدادد دہشتگردی عدالت نے 5اکتوبر کو پی ٹی آئی احتجاج پر درج مقدمے میں مسرت جمشید چیمہ کی موبائل فون سپرداری کی درخواست منظورکرلی۔

یہ بھی پڑھیں: ابھی ووٹ ڈالنے یا نہ ڈالنے کا فیصلہ نہیں ہوا، سینیٹر کامران مرتضیٰ

سماعت کی تفصیلات

نجی ٹی وی چینل جیو نیوز کے مطابق انسداد دہشتگردی عدالت میں 5اکتوبر کو پی ٹی آئی احتجاج پر درج مقدمے کی سماعت ہوئی، انسداد دہشتگردی عدالت کے جج ارشد جاوید نے سماعت کی۔ درخواست گزار نے کہاکہ دوران گرفتاری پولیس نے میرا موبائل فون قبضہ میں لیا تھا، مقدمے میں ضمانت منظور ہو چکی ہے، موبائل فون سپرداری پر دیا جائے۔

یہ بھی پڑھیں: پی ٹی آئی اراکین اس بجٹ کو ووٹ نہیں دیں گے، یہ تباہی کا سبب بنے گا :سینیٹر علی ظفر

پراسیکیوشن کا موقف

پراسیکیوشن نے موبائل فون سپرداری کی درخواست پر جواب داخل کرایا، جس میں کہا گیا کہ ملزمہ کا موبائل فون کیس پراپرٹی اور مقدمہ کی اہم ترین شہادت ہے۔

یہ بھی پڑھیں: سکول ٹیچر سے زیادتی اور نازیبا ویڈیو سوشل میڈیا پر وائرل کرنے میں ملوث ملزم گرفتار

عدالت کا فیصلہ

عدالت نے پی ٹی آئی رہنما مسرت جمشید چیمہ کی موبائل فون سپرداری کی درخواست منظور کر لی اور 2 لاکھ کے سپرداری مچلکے داخل کرانے کا حکم دیدیا۔ عدالت نے کہا کہ موبائل فون مقدمے کی پراپرٹی ہے، ملزمہ موبائل فون کی حفاظت کرے۔

الزامات کی نوعیت

یاد رہے کہ مسرت جمشید چیمہ اور دیگر پر 5اکتوبر کو پولیس پر تشدد اور پتھراؤ کا الزام ہے۔