مسرت جمشید چیمہ کی موبائل فون سپرداری کی درخواست منظور

انسداد دہشتگردی عدالت کی فیصلہ

اسلام آباد(ڈیلی پاکستان آن لائن)انسدادد دہشتگردی عدالت نے 5اکتوبر کو پی ٹی آئی احتجاج پر درج مقدمے میں مسرت جمشید چیمہ کی موبائل فون سپرداری کی درخواست منظورکرلی۔

یہ بھی پڑھیں: پاکستان اور افغانستان کے مابین سیز فائر کا معاہدہ طے پاگیا: خواجہ آصف

سماعت کی تفصیلات

نجی ٹی وی چینل جیو نیوز کے مطابق انسداد دہشتگردی عدالت میں 5اکتوبر کو پی ٹی آئی احتجاج پر درج مقدمے کی سماعت ہوئی، انسداد دہشتگردی عدالت کے جج ارشد جاوید نے سماعت کی۔ درخواست گزار نے کہاکہ دوران گرفتاری پولیس نے میرا موبائل فون قبضہ میں لیا تھا، مقدمے میں ضمانت منظور ہو چکی ہے، موبائل فون سپرداری پر دیا جائے۔

یہ بھی پڑھیں: مشکوک پراپرٹیز کی رپورٹ طلب، جو افغان یا غیر ملکی کو پراپرٹی رینٹ پر دے گا تو بھرپور ایکشن ہوگا: وزیر اعلیٰ مریم نواز کی زیر صدارت اجلاس میں فیصلہ

پراسیکیوشن کا موقف

پراسیکیوشن نے موبائل فون سپرداری کی درخواست پر جواب داخل کرایا، جس میں کہا گیا کہ ملزمہ کا موبائل فون کیس پراپرٹی اور مقدمہ کی اہم ترین شہادت ہے۔

یہ بھی پڑھیں: جب پتا چلے کہ آپ کی ایکس دوبارہ شادی کررہی ہے، علی ترین کا ملتان سلطان کی نیلامی پر ردعمل

عدالت کا فیصلہ

عدالت نے پی ٹی آئی رہنما مسرت جمشید چیمہ کی موبائل فون سپرداری کی درخواست منظور کر لی اور 2 لاکھ کے سپرداری مچلکے داخل کرانے کا حکم دیدیا۔ عدالت نے کہا کہ موبائل فون مقدمے کی پراپرٹی ہے، ملزمہ موبائل فون کی حفاظت کرے۔