آئندہ 30 دنوں میں لیپ ٹاپ سکیم کے اجراء کی ڈیڈ لائن،کتنے لیپ ٹاپ تقسیم کیے جائیں گے ؟ جانیے.

اجلاس کی تفصیلات

لاہور (ڈیلی پاکستان آن لائن) وزیر تعلیم رانا سکندر حیات کی زیر صدارت لیپ ٹاپ سکیم کے اجراء کے حوالے سے جائزہ اجلاس ہوا۔ وزیر تعلیم نے لیپ ٹاپ سکیم کے آغاز کیلئے محکمہ کو ایک ماہ کی ڈیڈ لائن دیتے ہوئے آئندہ 30 دنوں میں اس کے اجراء کی ہدایت کی۔

یہ بھی پڑھیں: وفاقی بیوروکریسی میں تقرر و تبادلے

کمیٹی کی تشکیل

وزیر تعلیم نے لیپ ٹاپ کی خریداری، کوالٹی ایشورنس اور انسپکشن کیلئے آئی ٹی یو اور پی آئی ٹی بی کے افسران پر مشتمل کمیٹی بنا دی۔

یہ بھی پڑھیں: یہی پڑھایا اور سکھایا جاتا ہے کہ اپنے متعلق کچھ نہ سوچیں، چاپلوسی ہی کامیابی کا زینہ ہے، سرزنش سنیں اور مہینوں احساس جرم میں مبتلا رہیں

لیپ ٹاپ کے معیار پر گفتگو

اجلاس میں گفتگو کرتے ہوئے وزیر تعلیم نے کہا کہ لیپ ٹاپ کی باڈی اچھی کوالٹی، ترجیحاً سٹیل کی ہونی چاہیے، جبکہ اس کا بیگ بھی بہتر کوالٹی کا بنوایا جائے۔ انہوں نے لیپ ٹاپ کی تقسیم کا مؤثر لائحہ عمل تشکیل دینے کی بھی ہدایت کی اور کہا کہ تعلیمی ضروریات مدنظر رکھتے ہوئے طلباء کو جدید ترین لیپ ٹاپ فراہم کیے جائیں۔

یہ بھی پڑھیں: فیصل آباد: خود کو ایف بی آر افسر ظاہر کرنیوالے 3 افراد گرفتار

اقلیتی طلباء کا شامل ہونا

انہوں نے مزید کہا کہ وزیر اعلیٰ کی ہدایت پر اقلیتی طلباء کو بھی لیپ ٹاپ سکیم میں خاص طور پر شامل کیا گیا ہے۔ مجموعی طور پر 90 دنوں میں 40 ہزار لیپ ٹاپ فراہم کئے جائیں گے۔ پہلے مرحلے میں ایک ماہ میں 5 ہزار لیپ ٹاپ دیئے جائیں گے، جبکہ دوسرے مرحلے میں 3 ماہ کے دوران باقی 35 ہزار لیپ ٹاپ فراہم کئے جائیں گے۔

خصوصی طلباء کو فراہم کردہ لیپ ٹاپ

آخر میں، وزیر تعلیم نے کہا کہ وزیر اعلیٰ پنجاب کی ہدایت پر میٹرک اور ایف ایس سی کے پوزیشن ہولڈر طلباء کو بھی لیپ ٹاپ فراہم کیے جائیں گے۔