پی ٹی آئی رہنماؤں کو عمران خان سے ملاقات کی اجازت نہ ملی، اڈیالہ جیل سے واپس روانہ

پی ٹی آئی رہنماوں کی عمران خان سے ملاقات کی ناکامی

راولپنڈی (ڈیلی پاکستان آن لائن) پاکستان تحریک انصاف کے رہنماوں کو عمران خان سے ملاقات کی اجازت نہیں ملی، جس کے بعد چیئرمین بیرسٹر گوہرعلی خان اور دیگر رہنما ملاقات کیے بغیر واپس روانہ ہوگئے۔

یہ بھی پڑھیں: سندھ: پرائیویٹ میڈیکل کالجز کی ٹیوشن فیس میں 200 فیصد اضافہ

ملاقات کے لیے جیل آمد

ایکسپریس نیوز کے مطابق اڈیالہ جیل میں بانی پی ٹی آئی عمران خان سے ملاقات کے لیے بیرسٹر گوہرعلی خان، جنرل سیکریٹری سلمان اکرم راجا، علی محمد خان، سردار لطیف کھوسہ، رؤف حسن اور فردوس شمیم نقوی جیل پہنچے اور جیل انتظامیہ سے اجازت طلب کی۔

یہ بھی پڑھیں: نیٹ میٹرنگ ختم، بجلی واپس خریدنے کی نئی شرح طے

جیل انتظامیہ کا مؤقف

جیل انتظامیہ نے مؤقف اپنایا کہ ملاقات کا دن نہیں ہے اور نہ ہی سپیشل ملاقات کے حوالے سے احکامات موصول ہوئے ہیں۔ بیرسٹر گوہرعلی خان کا کہنا تھا کہ ملاقات کا بھی ایک طریقہ کار ہوتا ہے، آج ملاقات کا معمول کا دن نہیں تھا لیکن ہم کوشش کر رہے تھے کہ ملاقات ہو جائے۔

احتجاج کی صورتحال

اگر ملاقات ہو جاتی تو ہم مختلف باتوں پر تبادلہ خیال کرتے۔ ان کا کہنا تھا کہ 24 نومبر کا احتجاج ملتوی نہیں ہوا، احتجاج ملتوی ہونے والی بات نہیں لیکن کئی چیزیں تھیں جن کے لیے ہم ملاقات کرنے آئے تھے۔